ഗവർണർ YES പറഞ്ഞാൽ അടുത്ത മണിക്കൂറിൽ EX മന്ത്രിയുടെ അറസ്റ്റ് ഉടന്‍ പിണറായി കൈമലർത്തി
കേരളത്തിന്റെ കായിക ചരിത്രത്തിലെ ഏറ്റവും വലിയ അഴിമതിക്കഥയായി മാറിയ മെസി അര്‍ജന്റീന ടീമിന്റെ ഫുട്‌ബോള്‍ മാമാങ്ക തട്ടിപ്പില്‍ മുന്‍ കായിക മന്ത്രി വി. അബ്ദു റഹിമാന്റെ കഴുത്തില്‍ നിയമക്കുരുക്ക് മുറുകുന്നു. കേസില്‍ മുന്‍ മന്ത്രിക്ക് എതിരെ അഴിമതി നിരോധന നിയമപ്രകാരം കേസെടുക്കുന്നതിനായി സര്‍ക്കാര്‍ ഇപ്പോള്‍ ഗവര്‍ണറുടെ അനുമതി തേടിയിരിക്കുകയാണ്. ഗവര്‍ണറുടെ പച്ചക്കൊടി കിട്ടിയാല്‍ ഉടന്‍ തന്നെ കര്‍ശന നടപടികളിലേക്കും അറസ്റ്റിലേക്കും കടക്കാനാണ് അന്വേഷണ സംഘത്തിന്റെ തീരുമാനം. നിയമോപദേശങ്ങളിലെ വൈരുദ്ധ്യങ്ങള്‍ മറികടന്ന് സര്‍ക്കാര്‍ നേരിട്ട് ലോക്ഭവന്റെ കനിവിലേക്ക് ഫയല്‍ മാറ്റിയതോടെ കേരള രാഷ്ട്രീയത്തില്‍ കനത്ത കോലാഹലമാണ് സൃഷ്ടിക്കപ്പെട്ടിരിക്കുന്നത്.
കേസില്‍ പ്രത്യേക അന്വേഷണ സംഘം (എസ്.ഐ.ടി) നടത്തിയ പ്രാരംഭ അന്വേഷണത്തില്‍ വ്യക്തമായ അഴിമതി തെളിവുകള്‍ കണ്ടെത്തിയിട്ടുണ്ട്. ഈ സാഹചര്യത്തില്‍ അന്വേഷണത്തെ പ്രാഥമികാന്വേഷണമായി കണക്കാക്കി നേരിട്ട് കേസെടുക്കാമെന്നും പ്രത്യേക ഗവര്‍ണറുടെ അനുമതിയുടെ ആവശ്യമില്ലെന്നുമായിരുന്നു പ്രോസിക്യൂഷന് ഡയറക്ടര്‍ ജനറല്‍ ടി. അസഫലി സര്‍ക്കാരിന് നല്‍കിയ ശക്തമായ നിയമോപദേശം. എന്നാല്‍ അബ്ദു റഹിമാന്‍ മന്ത്രിയായിരുന്ന കാലയളവിലെ ഔദ്യോഗിക പദവി ദുരുപയോഗം ചെയ്തുള്ള അഴിമതിയായതിനാല്‍, അഴിമതി നിരോധന നിയമത്തിലെ 17-എ വകുപ്പ് പ്രകാരം പ്രോസിക്യൂഷന് ഗവര്‍ണറുടെ മുന്‍കൂര്‍ അനുമതി അത്യന്താപേക്ഷിതമാണെന്ന് നിയമ സെക്രട്ടറി പി.എന്‍. വിനോദ് എതിര്‍ നിയമോപദേശവും നല്‍കി.
നിയമ സെക്രട്ടറിയുടെ ഈ വാദം മറികടന്ന് മുന്നോട്ടുപോയാല്‍ ഭാവിയില്‍ കോടതിയില്‍ കേസ് ദുര്‍ബലപ്പെടാനും ഗവര്‍ണറുടെ അനുമതിയില്ലാത്തതിന്റെ പേരില്‍ കേസ് റദ്ദാക്കപ്പെടാനും സാധ്യതയുണ്ടെന്ന ആശങ്കയാണ് സര്‍ക്കാരിനെതിരെയുള്ളത്. ഈ നിയമപ്രശ്‌നങ്ങളെല്ലാം കണക്കിലെടുത്താണ് ഒടുവില്‍ നിയമ സെക്രട്ടറിയുടെ ഉപദേശം അംഗീകരിച്ച് സര്‍ക്കാര്‍ ഗവര്‍ണറുടെ അനുമതിക്കായി ഔദ്യോഗികമായി ഫയല്‍ കൈമാറിയത്. രാജ്ഭവനില്‍ നിന്ന് അനുമതി ലഭിക്കുന്ന മുറയ്ക്ക് മുന്‍ മന്ത്രി അബ്ദു റഹിമാനെതിരെ ഔദ്യോഗികമായി അഴിമതിക്കുറ്റം ചുമത്തപ്പെടും. കേരളത്തിലേക്ക് പുതിയ ഗവര്‍ണറെ നിയോഗിച്ചിട്ടുണ്ട്. അദ്ദേഹം ചുമതലയേറ്റാല്‍ ഉടന്‍ തീരുമാനം എടുക്കും. ഓം പ്രകാശ് മാഥൂര്‍ ഗവര്‍ണറായി എത്തിയാല്‍ ഉടന്‍ മെസി തട്ടിപ്പിലെ ഫയലില്‍ തീരുമാനം വരും.
ഈ തട്ടിപ്പുമായി ബന്ധപ്പെട്ട് ഇതിനോടകം തന്നെ കളമശേരിയില്‍ പ്രാരംഭമായി കേസ് രജിസ്റ്റര്‍ ചെയ്ത് അന്വേഷണം നടക്കുന്നുണ്ടെങ്കിലും നിലവില്‍ ഈ കേസില്‍ മുന്‍ മന്ത്രിയെ പ്രതിചേര്‍ത്തിരുന്നില്ല. ഗവര്‍ണറുടെ അനുമതി ഒപ്പുവെച്ചു കിട്ടിയാല്‍ ഈ നിലവിലുള്ള കേസില്‍ അഴിമതി നിരോധന നിയമപ്രകാരമുള്ള കുറ്റങ്ങള്‍ കൂടി കൂട്ടിച്ചേര്‍ത്ത് അബ്ദു റഹിമാനെ ഒന്നാം നിര പ്രതിയാക്കുകയോ, അതല്ലെങ്കില്‍ അദ്ദേഹത്തിനെതിരെ തികച്ചും പുതിയൊരു കേസ് തന്നെ രജിസ്റ്റര്‍ ചെയ്യുകയോ ചെയ്യാനാണ് വിജിലന്‍സിന്റെയും എസ്.ഐ.ടിയുടെയും നീക്കം
https://www.facebook.com/Malayalivartha
