12 വയസ്സുകാരി തൂങ്ങിമരിച്ചനിലയില്‍! അമ്മയ്‌ക്കെതിരേ കുട്ടി നേരത്തെ പിങ്ക് പോലീസില്‍ പരാതി നല്‍കിയിരുന്നു... കുട്ടിയെ ആശുപത്രിയില്‍ എത്തിക്കും മുന്‍പേ മരിച്ചെന്ന് അമ്മയും, രണ്ടാനച്ഛനും; കുട്ടിയുടെ മരണത്തില്‍ സംശയമുണ്ടെന്ന് നാട്ടുകാര്‍
12 വയസ്സുകാരിയെ തൂങ്ങിമരിച്ചനിലയില്‍. കാര്‍ത്തികപ്പള്ളി വലിയകുളങ്ങര സ്വദേശി ഹര്‍ഷയാണ് മരിച്ചത്.
ഞായറാഴ്ച രാവിലെ പത്ത് മണിയോടെയായിരുന്നു സംഭവം. അമ്മ വഴക്കുപറഞ്ഞതിനെ തുടര്‍ന്ന് കുട്ടി ജീവനൊടുക്കിയെന്നാണ് പോലീസിന്റെ പ്രാഥമിക നിഗമനം.
വീട്ടിനുള്ളില്‍ തൂങ്ങിനില്‍ക്കുന്ന നിലയില്‍ കണ്ട കുട്ടിയെ ആശുപത്രിയിലെത്തിചെങ്കിലും അപ്പോഴേക്കും മരണം സംഭവിച്ചതായാണ് കുട്ടിയുടെ അമ്മയും രണ്ടാനച്ഛനും നല്‍കിയ മൊഴി.
അതേസമയം, അമ്മയുടെ മാനസികപീഡനമാണ് കുട്ടിയുടെ മരണത്തിന് കാരണമെന്നും കുട്ടിയുടെ മരണത്തില്‍ സംശയമുണ്ടെന്നും നാട്ടുകാര്‍ പറഞ്ഞു.
ഇതിന് മുമ്ബും അമ്മ കുട്ടിയെ മര്‍ദിച്ചിരുന്നതായും അമ്മയ്‌ക്കെതിരേ കുട്ടി നേരത്തെ പിങ്ക് പോലീസില്‍ പരാതിയും നല്‍കിയിരുന്നതായും നാട്ടുകാര്‍ പറയുന്നു.തൃക്കുന്നപ്പുഴ പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.
മൃതദേഹ പരിശോധനയ്ക്ക് ശേഷം മാത്രമേ കൂടുതല്‍ കാര്യങ്ങള്‍ വ്യക്തമാകൂ എന്ന് പോലീസ് പറഞ്ഞു.
https://www.facebook.com/Malayalivartha
