ടെക് കേരളം, ഇഖ്‌റ ആശുപത്രി എന്നിവയുടെ സഹകരണത്തോടെ ഗവ. സൈബർപാർക്കിൽ രക്തദാന ക്യാമ്പ് സംഘടിപ്പിച്ചു. ഐടി ജീവനക്കാർ, സൈബർപാർക്ക് ജീവനക്കാർ തുടങ്ങിയവരുടെ മികച്ച പങ്കാളിത്തം ക്യാമ്പിൽ ലഭിച്ചു. ആകെ 96 പേർ രക്തദാനത്തിനായി രജിസ്റ്റർ ചെയ്തതിൽ 75 പേർ രക്തം ദാനം ചെയ്തു.

കോഴിക്കോട് ഇഖ്‌റ ഇന്റർനാഷണൽ ഹോസ്പിറ്റൽ ആൻഡ് റിസർച്ച് സെന്ററിലെ ട്രാൻസ്ഫ്യൂഷൻ മെഡിസിൻ വിഭാഗം മേധാവി ഡോ. മുഹമ്മദ് ഷിഹാബ് വി. കെ. ക്യാമ്പിന് നേതൃത്വം നൽകി.

രക്തദാനം മഹത്തായ സാമൂഹ്യ സേവനമാണെന്നും ഇത്തരം സാമൂഹിക പ്രതിബദ്ധതയുള്ള പ്രവർത്തനങ്ങളിൽ ഐടി സമൂഹം കാണിക്കുന്ന താല്പര്യം അഭിനന്ദനാർഹമാണെന്നും സംഘാടകർ വ്യക്തമാക്കി. ക്യാമ്പിൻ്റെ സംഘാടനത്തിനായി ഗവ.സൈബർപാർക്ക് നൽകിയ സഹകരണത്തിനും അധികൃതർ നന്ദി പറഞ്ഞു.