കോവിഡില് വിറങ്ങലിച്ച് തലസ്ഥാനം... തിരുവനന്തപുരത്ത് ഇന്ന് രോഗം സ്ഥിരീകരിച്ചത് 519 പേര്ക്ക്
സംസ്ഥാനത്തിന്റെ തലസ്ഥാന ജില്ലയായ തിരുവനന്തപുരത്ത് ഇന്ന് കോവിഡ് സ്ഥിരീകരിച്ചത് 519 പേര്ക്ക്. ഇത് ആദ്യമായാണ് ജില്ലയില് ഒരു ദിവസം അഞ്ഞൂറില് കൂടുതല് പേര്ക്ക് കൊവിഡ് ബാധിച്ചതായി സ്ഥിരീകരിക്കുന്നത്. ജില്ലയില് 487 പേര്ക്ക് സമ്ബര്ക്കത്തിലൂടെയാണ് രോഗം ബാധിച്ചത്. ഇന്നലെ ഏറ്റവും കൂടുതല് പേര്ക്ക് രോഗം സ്ഥിരീകരിച്ച ജില്ല മലപ്പുറമായിരുന്നു.എന്നാല് മലപ്പുറത്തെ ഇന്നത്തെ കൊവിഡ് രോഗികളുടെ എണ്ണവും ആശങ്കപ്പെടുത്തുന്നത് തന്നെയാണ്. ജില്ലയില് ഇന്ന് 221 പേര്ക്കാണ് രോഗബാധയുണ്ടായതായി സ്ഥിരീകരിച്ചത്. ഇതില് 200 പേര്ക്കും സമ്ബര്ക്കത്തിലൂടെയാണ് രോഗം വന്നത്.അതേസമയം, എറണാകുളം, കോഴിക്കോട് ജില്ലകളില് രോഗികളുടെ എണ്ണം ഇന്നും നൂറിന് മുകളിലാണ്. എറണാകുളം ജില്ലയില് 110 പേര്ക്ക് ഇന്ന് രോഗം വന്നപ്പോള് കോഴിക്കോട്ടെ ഇന്നത്തെ രോഗികളുടെ എണ്ണം 106 ആണ്. കേരളത്തില് ഇന്ന് 1530 പേര്ക്കാണ് കൊവിഡ് രോഗം സ്ഥിരീകരിച്ചത്.ഇതില് 37 പേര് വിദേശ രാജ്യങ്ങളില് നിന്നും 89 പേര് മറ്റ് സംസ്ഥാനങ്ങളില് നിന്നും വന്നതാണ്. 1351 പേര്ക്ക് സമ്ബര്ക്കത്തിലൂടെയാണ് രോഗം ബാധിച്ചത്. അതില് 100 പേരുടെ സമ്ബര്ക്ക ഉറവിടം വ്യക്തമല്ല. 10 മരണങ്ങളാണ് രോഗം മൂലം ഇന്ന് സംസ്ഥാനത്തുണ്ടായത്.
https://www.facebook.com/Malayalivartha