മടിയില്‍ കനമില്ലാത്ത മുഖ്യമന്ത്രി; പക്ഷേ സി.സി.ടി.വി ദൃശ്യങ്ങള്‍ കൈമാറാന്‍ മടി; എന്‍.ഐ.എ സി.സി.ടി.വി ദൃശ്യങ്ങള്‍ ചോദിച്ചിട്ട് ഒരു മാസം; ഇതുവരെ ദൃശ്യങ്ങള്‍ നല്‍കിയില്ല; കാരണം വിദേശത്തു നിന്നും ഹാര്‍ഡ് ഡിസ്‌ക് വന്നില്ല; സര്‍ക്കാര്‍ പൊളിയാണ്
മടയില്‍ കനമില്ല, ഉപ്പു തിന്നവന്‍ വെള്ളം കുടിക്കും, അന്വേഷണം നടക്കട്ടെ, സര്‍ക്കാര്‍ സഹകരിക്കും എന്നെല്ലാം സ്വര്‍ണക്കടത്ത് കേസ് ആരംഭിച്ചതു മുതല്‍ മുഖ്യമന്ത്രി പിണറായി വിജയന്‍ പറയുന്നുണ്ട്. മുഖ്യമന്ത്രിയുടെ ഓഫീസിന്റെ പങ്ക് വ്യക്തമാകുമ്പോഴും ഞാന്‍ ഒന്നും അറിഞ്ഞില്ലെന്നാണ് മുഖ്യമന്ത്രി പിണറായി വിജയന്‍ ഇപ്പോഴും പറയുന്നത്. അത് എന്തോ ആയിക്കോട്ടെ പക്ഷേ കേന്ദ്ര എജന്‍സികളുടെ അന്വേഷണത്തിനോട് സഹകരിക്കുമെന്ന് പറയുന്ന സര്‍ക്കാരിന്റെ നിസകരണം സംബന്ധിച്ച വാര്‍ത്തയാണ് പുറത്ത് വരുന്നത്. സ്വര്‍ണക്കടത്ത് കേസിലെ അന്വേഷണത്തിന്റെ ഭാഗമായി അന്വേഷണ സംഘം ആവശ്യപ്പെട്ട സെക്രട്ടേറിയറ്റിലെ സിസിടിവി ദൃശ്യങ്ങള്‍ കൈമാറാതെ സര്‍ക്കാരിന്റെ ഒളിച്ചുകളിക്കുന്നതായിയാണ് പുതിയ കണ്ടെത്തല്‍. എന്‍ഐഎ ആവശ്യപ്പെട്ട് ഒരു മാസം പിന്നിട്ടിട്ടും ദൃശ്യങ്ങള്‍ കൈമാറാനുള്ള നടപടി പൊതുഭരണവകുപ്പ് സ്വീകരിക്കുന്നില്ല. ദൃശ്യങ്ങള്‍ എത്രയും വേഗം ലഭ്യമാക്കുമെന്നാണ് മുഖ്യമന്ത്രി അന്നു പറഞ്ഞത്. ഉദ്യോഗസ്ഥര്‍ക്ക് നിര്‍ദേശം നല്‍കിയെന്നും അദ്ദേഹം പറഞ്ഞു. എന്നാല്‍ സെക്രട്ടേറിയറ്റിലെ ഭരണനുകൂല സംഘടനാ നേതാവാണ് ദൃശ്യങ്ങള്‍ കൈമാറാതെ ഒത്തുകളി നടത്തുന്നതെന്നാണ് ഇപ്പോള്‍ പുറത്തുവരുന്ന വിവരം.
സ്വര്‍ണക്കടത്ത് കേസിലെ പ്രതികള്‍ക്ക് സെക്രട്ടേറിയറ്റിലുള്ള സ്വാധീനത്തിന്റെ തെളിവുതേടിയാണ് സിസിസിടിവി ദൃശ്യങ്ങള്‍ എന്‍ഐഎ ആവശ്യപ്പെട്ടത്. സ്വപ്‌നയും സരിത്തും സെക്രട്ടറിയേറ്റില്‍ സ്ഥിരമായി വന്നിരുന്നോ, ഏത് ഓഫീസിലായിരുന്നു പോയിരുന്നത്. സെക്രട്ടേറിയറ്റില്‍ പ്രവേശിക്കാന്‍ ആരെങ്കിലും സഹായം നല്‍കിയിരുന്നോ തുടങ്ങിയ കാര്യങ്ങളുടെ തെളിവ് തേടിയാണ് ദൃശ്യങ്ങള്‍ ചോദിച്ചത്. ജൂലൈ 17നാണ് പൊതുഭരണ അഡീഷണല്‍ സെക്രട്ടറിയും സെക്രട്ടേറിയറ്റ് എംപ്ലോയിസ് അസോസിയേഷന്‍ പ്രസിഡന്റുമായ പി ഹണിക്ക് എന്‍ഐഎ നോട്ടീസ് നല്‍കിയത്. കഴിഞ്ഞ ഒരു വര്‍ഷത്തെ ദൃശ്യങ്ങള്‍ നല്‍കാനായിരുന്നു നോട്ടീസ്. നോട്ടീസില്‍ തുടര്‍നടപടി സ്വീകരിക്കാന്‍ അഡീഷണല്‍ സെക്രട്ടറിക്ക് ചീഫ് സെക്രട്ടറി നിര്‍ദ്ദേശവും നല്‍കി. പക്ഷെ ദൃശ്യങ്ങള്‍ പകര്‍ത്താനായുള്ള ഒരു നടപടിയും ഉണ്ടായില്ല. നോട്ടീസ് നല്‍കിട്ട് ഇന്നേക്ക് ഒരു മാസം പിന്നിട്ടിരിക്കുകയാണ്.
വിദേശത്തു നിന്ന് പ്രത്യേക ഹാര്‍ഡ് ഡിസക്ക് വരുത്തണമെന്നും ഇതിനുവേണ്ടി സമയം നീട്ടിചോദിക്കുമെന്നാണ് പൊതുഭരണവകുപ്പ് ഇതിനു മുമ്പ് പറഞ്ഞ വിശദീകരണം. എന്‍ഐഎക്ക് സെക്രട്ടേറിയറ്റിലെ ഹാര്‍ഡ് ഡിസ്‌ക്ക് നേരിട്ടെത്തി പരിശോധിക്കാമെന്ന് രേഖാമൂലം അറിയിക്കുമെന്നും ഉദ്യോഗസ്ഥര്‍ പറഞ്ഞിരുന്നു. പക്ഷെ ഒരു വിശദീകരണവും ഇതുവരെ പൊതുഭരണവകുപ്പ് എന്‍ഐഎക്ക് നല്‍കിയിട്ടില്ലെന്നാണ് വിവരം. മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറിക്കെതിരായ തെളിവുകള്‍ അട്ടിമറിക്കാന്‍ ഭരണാനുകൂല സംഘടനാ നേതാവു വഴി നീക്കം നടക്കുന്നുണ്ടെന്നാണ് ആക്ഷേപം ഉയര്‍ന്നിരിക്കുന്നത്.
സി.സി.ടി.വി ദൃശ്യങ്ങള്‍ ആവശ്യപ്പെട്ട് ചീഫ് സെക്ട്രട്ടറിക്ക് എന്‍.ഐ.എ കത്ത് നല്‍കിയ ശേഷമാണ് ഇടിമിന്നലില്‍ സി.സി.ടി.വി ക്യാമറകള്‍ തകറാറിലായി എന്നും എത്രയും വേഗം മാറ്റി സ്ഥാപിക്കണെന്നുമുള്ള ഉത്തരവുകള്‍ ഇറങ്ങിയത്. ഇത് സി.സി.ടി.വി ദൃശ്യങ്ങള്‍ ഇല്ലാതാക്കനുള്ള നടപടിയുടെ ഭാഗമാണെന്ന് നേരത്തെ തന്നെ ആരോപണം ഉയര്‍ന്നിരുന്നു. എന്നാല്‍ സി.സി.ടി.വി ദൃശ്യങ്ങള്‍ ലഭിച്ചാല്‍ സാങ്കേതിക വിദ്യ ഉപയോഗിച്ച് ദൃശ്യങ്ങള്‍ വീണ്ടെക്കാന്‍ സാധിക്കുമെന്ന വിശ്വാസം എന്‍.ഐ.എ പ്രകടിപ്പിച്ചിരുന്നു. ഇതോടെ കളി മാറുമെന്ന് മനസിലാക്കിയാണ് ഇപ്പോള്‍ സി.സി.ടി.വി ദൃശ്യങ്ങള്‍ കൈമാറാതെ സര്‍ക്കാര്‍ ഒളുച്ചുകളിക്കുന്നതെന്നാണ് ആരോപണം.
https://www.facebook.com/Malayalivartha
