കേരളത്തെ ദുരിതക്കയത്തിലാഴ്ത്തിയ രണ്ടു മഹാപ്രളയം വന്നപ്പോഴും അതിന്റെ മറവില്‍ തട്ടിപ്പ് നടത്താനായിരുന്നു ശിവശങ്കറും സ്വപ്നയും ലക്ഷ്യമിട്ടത് .അതിനുവേണ്ടിയുള്ള വിദഗ്ദ്ധമായ സ്ട്രാറ്റജിയും അവരുടെ പക്കല്‍ ഉണ്ടായിരുന്നു .അത് കൃത്യമായി നടപ്പിലാക്കിയത് വഴി അടിച്ചെടുത്തത് മൂന്നരകോടിയിലേറെ രൂപ .മഹാപ്രളയത്തില്‍ വീട് നഷ്ടപെട്ട പാവങ്ങള്‍ക്കായി തലചായ്ക്കനായി ഒരു കൂര പണിയാനുള്ള പദ്ധിതിയില്‍ പോലും വെള്ളം ചേര്‍ത്തത് പാവം പിണറായി അറിഞ്ഞില്ല .അല്ലെങ്കില്‍ തന്നെ ബക്കറ്റില്‍ എത്ര വീഴുന്നുണ്ട് എന്നല്ലേ സഖാവിന്റെ നോട്ടം .അതില്‍ നിന്നും എത്ര തുകയാണ് വിശ്വസ്തരായ തട്ടിപ്പ്കാര്‍ അടിച്ചുമാറ്റിയതെന്നു ആര്‍ക്കെങ്കിലും അറിവുള്ള കാര്യമാണോ .കേരളത്തില്‍ ഇന്നേ വരെ കൊടും തട്ടിപ്പ് നടത്തിയ കാട്ടുകള്ളി സ്വപ്നയും സംഘവും നടത്തുന്ന ഇടപാടുകള്‍ സമസ്ത മേഖലയിലും വ്യാപിച്ചു കിടക്കുകയാണ് എന്ന നഗ്‌നമായ സത്യം ഇപ്പോള്‍ മറനീക്കി പറത്തുവന്നിരിക്കുകയാണ് .സ്വപ്നയുമായുള്ള മുഖപരിചയം മാത്രമാണ് തനിക്കുള്ളതെന്ന് പറഞ്ഞ ശിവശങ്കരന്‍ തട്ടിപ്പ് സംഘത്തിന്റെ നോഡല്‍ ഓഫീസറായി മാറുന്ന അപൂര്‍വ്വ കാഴ്ച്ചയാണ് കേരളത്തില്‍ നടക്കുന്നതത് .കള്ളക്കടത്തിനും കൈവെട്ടിനും വരെ കണ്‍സള്‍ട്ടന്‍സികള്‍ ഉണ്ടായി കേന്ദ്രീകൃതമായി ഉണ്ടായിട്ടുണ്ട് എന്നതാണ് വ്യക്തമാകുന്നതെങ്കില്‍ .സര്‍ക്കാര്‍ ഭരണ കേന്ദ്രമായ സെക്രട്ടറിയേറ്റില്‍ തിട്ടപ്പെടുത്താന്‍ കഴിയാത്ത വിധത്തിലുള്ള ഡീലുകള്‍ തന്നെയാണ് ശിവശങ്കറിന്റെ മേല്‍നോട്ടത്തില്‍ നടന്നതെന്നും വ്യക്തമാക്കുകയാണ് .

വടക്കാഞ്ചേരി ലൈഫ് മിഷന്‍ പദ്ധതിയില്‍ നിര്‍മ്മാണ കമ്പനിയില്‍ നിന്നും സ്വപ്നയ്ക്കും കോണ്‍സുലേറ്റിലെ ഉന്നതര്‍ക്കും കമ്മീഷനായി ലഭിച്ചത് മൂന്ന് കോടി അറുപത് ലക്ഷം രൂപയാണ് എന്നത് തെളിവുസഹിതം ലഭ്യമായിരിക്കുകയാണ് . എന്‍ഫോഴ്‌സ്‌മെന്റ് ഡയറക്ടറേറ്റാണ് ഇക്കാര്യം അറിയിച്ചത്. പദ്ധതിയിക്ക് തുക അനുവദിച്ചത് വഴി യുഎഇ കോണ്‍സുലേറ്റിലെ ഉന്നതനും കോണ്‍സുലേറ്റിലെ ഈജിപ്ഷ്യന്‍ പൗരനും കമ്മീഷന്‍ ലഭിച്ചെന്നും എന്‍ഫോഴ്‌സ്‌മെന്റ് വ്യക്തമാക്കിക്കഴിഞ്ഞു .
പ്രളയ ദുരന്തത്തില്‍ വീട് നഷ്ടപ്പെട്ടവര്‍ക്ക് ഫഌറ്റ് നിര്‍മ്മിച്ചു നല്‍കുന്ന വടക്കാഞ്ചേരി ലൈഫ് മിഷന്‍ പദ്ധതി 18 കോടിയുടേതാണെന്ന് എന്‍ഫോഴ്‌സ്‌മെന്റ് അറിയിച്ചു. ഇതിന്റെ ഇരുപത് ശതമാനമായ 3 കോടി 60 ലക്ഷം രൂപയാണ് സ്വപ്‌നയ്ക്കും കോണ്‍സുലേറ്റിലെ ഉന്നതര്‍ക്കുമായി ലഭിച്ചത്.കോണ്‍സുലേറ്റിലെ വീസ സ്റ്റാംപിംഗിന് കരാര്‍ നല്‍കിയ കമ്പനിയില്‍ നിന്നും സ്വപ്‌നയ്ക്ക് 2019 ല്‍ 70 ലക്ഷം രൂപ ലഭിച്ചെന്നും എന്‍ഫോഴ്‌സ്‌മെന്റിന് വിവരം ലഭിച്ചു. ഒരു കിലോ സ്വര്‍ണ്ണം കടത്തുമ്പോള്‍ ആയിരം ഡോളറായിരുന്നു സ്വപ്‌നയുടെ കമ്മീഷന്‍. ഇതിന് പുറമെ കോണ്‍സുലേറ്റിലെ ഉന്നതന് നല്‍കാന്‍ എന്ന വ്യാജേന ഒരു കിലോ സ്വര്‍ണ്ണത്തിന് 1000 ഡോളര്‍ കൂടി സ്വപ്‌ന വാങ്ങിയിരുന്നു.അതേസമയം സ്വര്‍ണ്ണം കൊണ്ടുവരുന്ന ബാഗേജ് പൊട്ടിച്ചിരുന്നത് സന്ദീപിന്റെ വീട്ടില്‍ വെച്ച് റമീസിന്റെ ആള്‍ക്കാരായിരുന്നെന്നും പലപ്പോഴും സ്വര്‍ണത്തിന്റെ അളവ് കുറച്ചാണ് റമീസ് സ്വപ്നയെ അറിയിച്ചിരുന്നതെന്നും എന്‍ഫോഴ്‌സ്‌മെന്റ് കണ്ടെത്തിയിട്ടുണ്ട്.റെമീസിന്റെ മൊഴിയുടെ അടിസ്ഥാനത്തില്‍ നിര്‍ണായകമായ പല വിവരങ്ങളും അന്വേഷണ സംഘത്തിന് ലഭ്യമായെങ്കിലും ഇയാളുടെ പല ഇടാപാടുകളും അന്വേഷണ സംഘം മറ്റു മാര്‍ഗ്ഗങ്ങളിലൂടെ കണ്ടെത്തുകയായിരുന്നു എന്നാണ് മനസ്സിലാക്കാന്‍ കഴിയുന്നത് .റമീസിന്റെ ഇടപാടുകള്‍
നല്‍കുന്ന വിവരങ്ങള്‍ ചൂണ്ടുന്നത് സ്വപ്നയിലേക്കും ശിവശങ്കറിലേക്കുമാണ് എന്നതാണ് മറ്റൊരു വാസ്തവം