ഓമശ്ശേരിയില്‍ ഒരു ഗര്‍ഭസ്ഥശിശുവിന്റെ കഴുത്തില്‍ പൊക്കിള്‍ക്കൊടി 5 തവണ ചുറ്റി വരിഞ്ഞ് അപകടാവസ്ഥയിലായെങ്കിലും ശാന്തി ആശുപത്രിയില്‍ ശസ്ത്രക്രിയയിലൂടെ രക്ഷിച്ചു.

അനക്കക്കുറവ് ശ്രദ്ധയില്‍ പെട്ടതിനെ തുടര്‍ന്നുള്ള പരിശോധനയിലാണ് പൊക്കിള്‍ക്കൊടി കഴുത്തില്‍ അത്യപൂര്‍വമാം വിധം 5 ചുറ്റായി കുരുങ്ങിയതു കണ്ടെത്തിയത്.

കുഞ്ഞ് ഗര്‍ഭപാത്രത്തില്‍ കിടന്നു തിരിയുന്നതിന്റെ ഫലമായി ഒന്നോ രണ്ടോ ചുറ്റലുകള്‍ കഴുത്തില്‍ ഉണ്ടാകാറുണ്ട്. അതുപോലും മരണത്തിനു വരെ കാരണമായേക്കാം.

ഡോ. ഇ. വി. മുഹമ്മദിന്റെ നേതൃത്വത്തില്‍ നടത്തിയ ശസ്ത്രക്രിയയിലൂടെയാണ് ഒരു പോറല്‍ പോലും ഏല്‍ക്കാതെ കുഞ്ഞിനെ രക്ഷിച്ചത്.