അവിവാഹിതയായ ബാങ്ക് ഉദ്യോഗസ്ഥ കട്ടപ്പനയിലെ വനിത ഹോസ്​റ്റലില്‍ പ്രസവിക്കുകയും പിന്നാലെ ശിശുവിനെ കൊലപ്പെടുത്തുകയും ചെയ്ത സംഭവത്തിൽ ഫോറന്‍സിക് സംഘം . നവജാതശിശുവിനെ കൊലപ്പെടുത്തിയ കേസിൽ കട്ടപ്പനയിലെ വനിത ഹോസ്​റ്റലില്‍ ഫോറന്‍സിക് സംഘം തെളിവെടുപ്പ് നടത്തി .  സംഭവം കൊലപാതകമാണെന്ന് പൊലീസ് സ്ഥിരീകരിച്ചിരുന്നു. ഇതോടെയാണ് ഇടുക്കിയില്‍നിന്ന്​ ഫോറന്‍സിക് വിദഗ്ധര്‍ ഹോസ്​റ്റലില്‍ എത്തി തെളിവെടുപ്പ് നടത്തിയത് .

ശ്വാസംമുട്ടി കുഞ്ഞ്​ മരിച്ചെന്നാണ്​ പോസ്​റ്റ്മോര്‍ട്ടം റിപ്പോര്‍ട്ട്. ഇതിന്റെ അടിസ്ഥാനത്തില്‍ കൊലപാതകം നടന്ന മുറി, ബെഡ്, തറയിലെയും ബെഡിലെയും രക്തക്കറ, തലയണ എന്നിവ പരിശോധിക്കുകയും ചെയ്തു . കുഞ്ഞിൻറെ തലയില്‍ പരിക്ക്‌ എങ്ങനെ ഉണ്ടായെന്നും ശ്വാസംമുട്ടിച്ച്‌​ കൊലപ്പെടുത്തിയത്​ എവിടെ വെ​ച്ചായിരുന്നു എന്നും കണ്ടെത്തുകയാണ് ലക്ഷ്യം .

കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുന്ന യുവതിയെ ഡിസ്ചാര്‍ജ് ചെയ്താല്‍ ഉടന്‍ അറസ്​റ്റ്​ ചെയ്ത്​ മൊഴി രേഖപ്പെടുത്തുമെന്ന് കട്ടപ്പന പൊലീസ്​ ഇന്‍സ്​പെക്​ടര്‍ വിശാല്‍ ജോണ്‍സന്‍ വ്യക്തമാക്കി . പൊലീസ് നിരീക്ഷണത്തിലായിരുന്നു യുവതി. ആരോഗ്യനില വീണ്ടെടുത്തുവരുന്നു . കട്ടപ്പനയിലെ സ്വകാര്യ ബാങ്കിലെ ജീവനക്കാരിയായ യുവതി ബാങ്കുമായി ബന്ധപ്പെട്ട യുവാവുമായി അടുപ്പത്തിലായി​രുന്നു എന്ന തരത്തിൽ ​ സൂചനകൾ കിട്ടിയിട്ടുണ്ട്​. ഗര്‍ഭാവസ്ഥ മറച്ചുെവച്ചായിരുന്നു ജോലിക്ക്​ പോയത്. കഴിഞ്ഞ വെള്ളിയാഴ്ചയാണ് സ്വകാര്യ ഹോസ്​റ്റലില്‍ ആണ്‍കുഞ്ഞിന്​ ജന്മം നല്‍കി . കട്ടപ്പന ഡിവൈ.എസ്.പി രാജ്‌മോഹനന്‍, വിശാല്‍ ജോണ്‍സന്‍, എസ്.ഐ സന്തോഷ് സജീവ് എന്നിവരുടെ നേതൃത്വത്തിലാണ് അന്വേഷണം നടത്തിയത് .