നിയന്ത്രണം വിട്ട കാര്‍ സര്‍വീസ് റോഡില്‍ നിന്ന് ബൈപാസിലേക്കു മറിഞ്ഞ് നവവരന്‍ മരിച്ചു. അയിര വെളിയംകോട്ടുകോണം സി.കെ സദനത്തില്‍ കരസേനയില്‍ നഴ്‌സ് ആയ എസ്.എസ് അഖില്‍ (28) ആണ് മരിച്ചത്. ഇന്നലെ വൈകിട്ട് 5.30ന് മുല്ലൂര്‍- കാരോട് ബൈപാസില്‍ അയിരയ്ക്കു സമീപം ആയിരുന്നു അപകടമുണ്ടായത്.

അയിര പാലത്തില്‍ നിന് സര്‍വീസ് റോഡ് വഴി താഴേക്കുവരവേ കാര്‍ തലകീഴായി മറിയുകയായിരുന്നു. അഖില്‍ സംഭവസ്ഥലത്ത് തന്നെ മരിച്ചു. കാറില്‍ ഉണ്ടായിരുന്ന സുഹൃത്ത് വിപിന്‍രാജിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.മൃതദേഹം പാറശാല താലൂക്ക് ആശുപത്രി മോര്‍ച്ചറിയില്‍. കഴിഞ്ഞ 23ന് ആയിരുന്നു അഖിലിന്റെ വിവാഹം. 26ന് ജോലി സ്ഥലം ആയ കശ്മിരിലേക്കു തിരിച്ച് പോകാന്‍ ഇരിക്കുവേയാണ് ദാരുണ സംഭവമുണ്ടായത്.