തെരഞ്ഞെടുപ്പ് കാലമല്ലേ? അപ്പോൾ അത്തരത്തിലുള്ള കിഞ്ചന വർത്തമാനം ആകാം. എല്ലാവരും മുഖാവരണവും ഒക്കെ വെച്ച് കൊണ്ട് വന്ന് വോട്ട് ചോദിക്കുന്നു. ആ ആവരണത്തിനുള്ളിൽ ഉള്ള ചിരി ഏത് തരത്തിലുള്താണെന്നും അറിയുന്നില്ല. അത് ഏതായാലും നന്നായി. അല്ലെങ്കിൽ കാപട്യം നിറഞ്ഞ ചിരി കണ്ട് നമ്മളും അങ്ങനെ ഒക്കെയായി പോരും' നാട്ടിൽ ഇറങ്ങി കഴിഞ്ഞാൽ ചുവരുകളിലെ പോസ്റ്ററിലും മറ്റും സ്ഥാനാർത്ഥികളെ നമ്മൾക്ക് മുഖാവരണം ഇല്ലാതെ കാണാൻ കഴിയുന്നുണ്ട്.

ഇത്തവണത്തെ തെരഞ്ഞെടുപ്പിൽ പോസ്റ്ററുകൾക്ക് ഒരു പ്രത്യേക ത കാണുന്നുണ്ട്. കോൺഗ്രസ്സ് സ്ഥാനാർത്ഥികളുടെ പോസ്റ്ററിൽ സ്ഥാനാർത്ഥിയോട് ഒപ്പം ഉമ്മൻ ചാണ്ടിയും അവിടെവിടെ മാത്രം രമേശ് ചെന്നിത്തലയെയും കാണുന്നുണ്ട്. രാഹുൽ ഗാന്ധിയെ കാൺമാനെ ഇല്ല. ദേശീയ തലത്തിൽ തന്നെ ഇല്ലാതാകുന്ന ഒരു വംശത്തിൻ്റെ ഫോട്ടോ കൊടുത്തിട്ട് കാര്യമില്ല.സമൂഹമാധ്യമങ്ങളിൽ കോൺഗ്രസ്സ് സ്ഥാനാർത്ഥികൾക്ക് വോട്ട് അഭ്യർത്ഥിച്ചു കൊണ്ടുള്ള ചിത്രത്തിൽ ഉമ്മൻ ചാണ്ടിയുടെ ഫോട്ടോ ആണ് ഉള്ളത്.

 കേരളത്തിൽ അടുത്ത മുഖ്യൻ ഉമ്മൻ ചാണ്ടിയാണ് എന്ന് ഓരോ വാർഡ് കൗൺസിലർ സ്ഥാനാർത്ഥിയും തീർച്ചപ്പെടുത്തിയിരിക്കുകയാണ് എന്ന് തോന്നുന്നു 'ബിജെപിയുടെ സ്ഥാനാർത്ഥി പോസ്റ്റർ നോക്കുക.അതിൽ നരേന്ദ്ര മോദിയുടെ ചിത്രമാണ് നമ്മൾ സ്ഥാനാർത്ഥിയുടെ ചിത്രത്തിനോടൊപ്പം കാണുന്നത്. ഇനി LDF സ്ഥാനാർത്ഥികളുടെ പോസ്റ്റർ നോക്കുക.അതിൽ സ്ഥാനാർത്ഥിയുടെ ചിത്രം മാത്രം. പിന്നെ ചിഹ്നവും' കൂട്ടിന് ആരുമില്ല'പാവം പിടിച്ച സഖാക്കന്മാരെ മൂത്ത സഖാക്കന്മാർ വഴിയാധാരമാക്കി എന്നല്ലേ പറയേണ്ടത്? ഇത് വരെയുള്ള എല്ലാ തെരഞ്ഞെടുപ്പുകളിലും LDF സ്ഥാനാർത്ഥിയുടെ പോസ്റ്ററിൻ്റെ കൂടെ വി.എസ്.അചുതാനന്ദൻ കൂട്ട് ഉണ്ടായിരുന്നു'

2016ലെ തിരഞ്ഞെടുപ്പിൽ ധർമ്മടം മണ്ഡലത്തിൽ പിണറായിയുടെ വോട്ട് അഭ്യർത്ഥിച്ചു കൊണ്ടുള്ള പോസ്റ്ററിൽ വി.എസിൻ്റെ പടവും ഉണ്ടായിരുന്നു. | 40 മണ്ഡലങ്ങളിലും വി.എസിൻ്റെ പടം നിറഞ്ഞുനിന്നു.2019-ലെ ലോക്സഭ തിരഞ്ഞെടുപ്പിൽ ഫോട്ടോയിൽ പിണറായി ഇടം പിടിച്ചു.അതിന് നല്ല ഫലവും കിട്ടിയല്ലോ? ഇപ്പോൾ വി.എസ്.അനാരോഗ്യം കൊണ്ട് പ്രത്യക്ഷപ്പെടുന്നില്ല അത് കൊണ്ട് ആരും വി.എസിൻ്റെ ചിത്രവും പോസ്റ്റിൽ വയ്ക്കുന്നില്ല. ഇനി സ്ഥാനാർത്ഥികൾ ' പിണറായിയുടെ പടം വയ്ക്കുന്നില്ല. ഒരിടത്തും ഒരു പോസ്റ്ററിലും പിണറായി ഇല്ല. ഇനി കോടിയേരിയുടെ ഫോട്ടോ വെയ്ക്കാൻ പറ്റുമോ? കോടിയേരിയ്ക്ക് പകരം വന്ന എ.വിജയരാഘവൻ്റെ ഫോട്ടോ വെച്ച് പോസ്റ്റർ അടിച്ചാൽ പ്രതീക്ഷയുള്ള സീറ്റ് കൂടി പോയി കിട്ടും. അദ്ദേഹത്തിൻ്റെ നാവിൻ്റെ ഒരു വലിപ്പം കൊണ്ട് ആണല്ലോ രമ്യാ ഹരിദാസ് ഇപ്പോൾ പാർലമെൻ്റിൽ ഇരിക്കുന്നത്. ഇനി CPM ൻ്റെ ആരുടെ ഫോട്ടോ വെച്ച് കൊണ്ട് വോട്ട് വാങ്ങിക്കും.?