5 ഓട്ടോറിക്ഷകള്ക്കിടയില് നിന്ന് ഒരു ഓട്ടോ മാത്രം കാട്ടാന തിരഞ്ഞുപിടിച്ചു തകര്ത്തു!
മൂന്നാറില് തൊഴിലാളി ലയത്തിലെ വീടുകള്ക്കു മുന്നില് അടുത്തടുത്തായി നിര്ത്തിയിട്ടിരുന്ന 5 ഓട്ടോകളില് നിന്നും ഒരു ഓട്ടോ മാത്രം കാട്ടാന തിരഞ്ഞുപിടിച്ചു തകര്ത്തു.
മൂന്നാര് ടൗണിലെ ഓട്ടോ ഡ്രൈവറായ കെഡിഎച്ച്പി നയമക്കാട് എസ്റ്റേറ്റ് ചോളമല ഡിവിഷനില് ഒന്പത് മുറി ലയത്തില് നല്ലയപ്പന്റെ ഓട്ടോ ആണ് ഒറ്റയാന് തകര്ത്തത്.
രാത്രി ഒന്നരയോടെയാണ് സംഭവം.ഒറ്റയാന് ഈ ഓട്ടോ മാത്രം പൂര്ണമായി അടിച്ചു തകര്ക്കുകയായിരുന്നു. ശബ്ദം കേട്ട് വീടിനു പുറത്ത് ഇറങ്ങിയവരെ വിരട്ടുകയും ചെയ്തു.
തകര്ന്ന ഓട്ടോയ്ക്കു സമീപം അര മണിക്കൂറോളം നിലയുറപ്പിച്ച ശേഷമാണ് ആന മടങ്ങിയത്. വനപാലകര് സ്ഥലത്ത് എത്തി പരിശോധന നടത്തി.
https://www.facebook.com/Malayalivartha