ഡോളര്‍ കടത്തിയ കേസില്‍ സ്വപ്‌ന സുരേഷിനെയും, പി.എസ്. സരിത്തിനെയും അഞ്ചു ദിവസത്തേക്ക് കസ്റ്റംസിന്റെ കസ്റ്റഡിയില്‍ ... ഒരാഴ്ചത്തെ കസ്റ്റഡി വശ്യപ്പെട്ട് കസ്റ്റംസ് നല്‍കിയ ഹര്‍ജിയില്‍ എറണാകുളം അഡി. സി.ജെ.എം കോടതിയാണ് അനുമതി നല്‍കിയത്, ശിവശങ്കറിനെയും സ്വപ്‌നയേയും സരിത്തിനേയും ഒരേസമയം ചോദ്യം ചെയ്യാനാണ് കസ്റ്റംസിന്റെ നീക്കം. സരിത്ത് വിയ്യൂര്‍ ജയിലിലും സ്വപ്ന തിരുവനന്തപുരം അട്ടക്കുളങ്ങര ജയിലിലുമാണ് കഴിയുന്നത്. സ്വര്‍ണക്കടത്തു കേസില്‍ ശിവശങ്കറിനെയും കസ്റ്റംസിന് കസ്റ്റഡിയില്‍ ലഭിച്ചിട്ടുണ്ട്.

യു.എ.ഇ കോണ്‍സുലേറ്റിലെ സാമ്പത്തികവിഭാഗം മേധാവിയായിരുന്ന ഈജിപ്ഷ്യന്‍ പൗരന്‍ ഖാലിദ് മുഹമ്മദ് അലി ഷൗക്രി ഒമാനിലേക്ക് 1.30 കോടി രൂപയുടെ ഡോളറാണ് തിരുവനന്തപുരം എയര്‍പോര്‍ട്ടുവഴി കടത്തിയത്. ഇതിനു താനും സരിത്തും ഒത്താശചെയ്‌തെന്ന് സ്വപ്ന കസ്റ്റംസിന് മെഴി നല്‍കിയിരുന്നു. തിരുവനന്തപുരം എയര്‍പോര്‍ട്ടിലെ ചെക്കിംഗ് ഒഴിവാക്കാന്‍ സ്വപ്നയും സരിത്തും ഖാലിദിനെ ഒമാനിലേക്ക് അനുഗമിച്ചിരുന്നു. അവിടെ നിന്ന് ഖാലിദ് കെയ്‌റോവിലേക്കും തങ്ങള്‍ ദുബായിലേക്കും പോയെന്നാണ് സ്വപ്‌നയുടെ വെളിപ്പെടുത്തല്‍.