വിവാദമായ പൊലീസ് നിയമഭേദഗതി ഓര്ഡിനന്സ് റദ്ദായി, റിപ്പീലിങ് ഓര്ഡിനന്സില് ഗവര്ണര് ഒപ്പിട്ടു
26 NOVEMBER 2020 07:03 AM IST
മലയാളി വാര്ത്ത
ഗവര്ണര് ആരിഫ് മുഹമ്മദ് ഖാന് ഭേദഗതി പിന്വലിക്കാനുള്ള റിപ്പീലിങ് ഓര്ഡിനന്സില് ഒപ്പിട്ടതോടെ വിവാദമായ പൊലീസ് നിയമഭേദഗതി ഓര്ഡിനന്സ് റദ്ദായി. ഇന്നലെ വൈകുന്നേരമാണ് ഗവര്ണ്ണര് ഒപ്പുവച്ചത്.
സംസ്ഥാനചരിത്രത്തില് ഒരു ഓര്ഡിനന്സ് റദ്ദാക്കാനായി റിപ്പീലിങ് ഓര്ഡിനന്സ് ഇറക്കിയത് ആദ്യമായാണ്. 5 ദിവസം മാത്രം ആയുസ്സുള്ള നിയമഭേദഗതിയായി ഇനിയിത് അറിയപ്പെടും.
ഉച്ചയോടെയാണ് പ്രത്യേക ദൂതന് വഴി ഓര്ഡിനന്സ് ഗവര്ണര്ക്ക് കൈമാറിയത്. പാര്ട്ടിയിലും ഇടതുമുന്നണിയിലും സംസ്ഥാനത്താകെയും പ്രതിഷേധം ഉയര്ന്ന സാഹചര്യത്തിലാണ് സര്ക്കാര് അടിയന്തര നടപടിയിലേക്കു നീങ്ങിയത്. നവംബര് 21-നാണ് ഗവര്ണറുടെ അംഗീകാരത്തോടെ ഓര്ഡിനന്സ് പ്രാബല്യത്തില് വന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
