കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയ്ക്കായി ഓട്ടോയിലെത്തിയ കുടുംബത്തിലെ നാലുവയസുകാരിയെ പീഡിപ്പിച്ച ഓട്ടോഡ്രൈവര്‍ കസ്റ്റഡിയില്‍. വലിയതോവാള കൊച്ചുപുരയ്ക്കല്‍ ഷാജി(48)യെയാണ് നെടുങ്കണ്ടം പോലീസ് കസ്റ്റഡിയിലെടുത്തത്. കഴിഞ്ഞയാഴ്ചയാണ് സംഭവം.

ഷാജിയുടെ ഓട്ടോയിലാണ് കുടുംബം കോട്ടയം മെഡിക്കല്‍ കോളജ് ആശുപത്രിയില്‍ എത്തിയത്. കുട്ടിയെ ഡ്രൈവറുടെ കൂടെ ഇരുത്തിയശേഷം ഡോക്ടറെ കാണുന്നതിനായി മാതാപിതാക്കള്‍ പോയി. ഈ സമയത്തായിരുന്നു പീഡനം.

രണ്ടു ദിവസത്തിന് ശേഷമാണ് ഷാജി ഉപദ്രവിച്ചതായി കുട്ടി മാതാപിതാക്കളോട് പറഞ്ഞത്. തുടര്‍ന്നാണ് മാതാപിതാക്കള്‍ പരാതി നല്‍കിയത്. വനിതാ പോലീസ് സ്ഥലത്തെത്തി കുട്ടിയുടെയും മാതാപിതാക്കളുടെയും മൊഴി രേഖപ്പെടുത്തി.

സംഭവം കോട്ടയത്തുവച്ചായതിനാല്‍ നെടുങ്കണ്ടം പോലീസ് പ്രതിയെയും കേസ് വിവരങ്ങളും ഇന്ന് കോട്ടയം പോലീസിനു കൈമാറും.