കരിപ്പൂര്‍ അന്താരാഷ്ട്ര വിമാനത്താവളം വഴി കടത്താന്‍ ശ്രമിച്ച 1600 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി. ജിദ്ദയില്‍നിന്നുള്ള സ്പൈസ് ജറ്റ് എസ്ജി 9711 വിമാനത്തിലെത്തിയ തിരൂര്‍ സ്വദേശി ഉനൈസി (25)നെയാണ് പിടികൂടിയത്. സ്വര്‍ണത്തിന് 77 ലക്ഷം രൂപ വില വരും.

ബ്ലൂടൂത്ത് സ്പീക്കറിന്റെ ബാറ്ററിക്കകത്ത് വെള്ളിനിറം പൂശിയനിലയില്‍ ഒളിപ്പിച്ചാണ് കടത്താന്‍ ശ്രമിച്ചത്. കസ്റ്റംസ് ഡെപ്യൂട്ടി കമീഷണര്‍ ടി എ കിരണിന്റെ നേതൃത്വത്തില്‍ സൂപ്രണ്ടുമാരായ കെ പി മനോജ്, രഞ്ജി വില്യം, രാധ വിജയരാഘവന്‍, തോമസ് വര്‍ഗീസ്, ഉമാദേവി, ഇന്‍സ്പെക്ടര്‍മാരായ സൗരഭ് കുമാര്‍, ശിവാനി, ടി അഭിലാഷ്, ഹെഡ് ഹവില്‍ദാര്‍മാരായ അബ്ദുള്‍ ഗഫൂര്‍, കെ സി മാത്യു എന്നിവരാണ് പരിശോധനാ സംഘത്തിലുണ്ടായിരുന്നത്.