ഇരുചക്ര വാഹനത്തില് സഞ്ചരിക്കുന്ന പെൺകുട്ടികളെ നോട്ടമിടും... തക്കം പാർത്തിരുന്ന് ചെയ്യുന്നത് മറ്റൊന്ന്! പെണ്കുട്ടിയുടെ ആ നിലവിളിയിൽ 20കാരന് പിടിയിലായതോടെ പുറത്ത് വരുന്നത്; കിളിമാനൂരിന് സമീപം താളിക്കുഴിയിൽ നാട്ടുകാരെ പോലും ഞെട്ടിച്ച സംഭവം ഇങ്ങനെ...
ഇരുചക്ര വാഹനത്തില് സഞ്ചരിച്ച പെണ്കുട്ടിയെ പിന്തുടര്ന്ന് കഴുത്തില് കിടന്ന മാല പൊട്ടിച്ചു കടന്നു കളയാന് ശ്രമിച്ച സംഘത്തിലെ യുവാവ് പിടിയില്. പെരിങ്ങമ്മല ജവഹര് കോളനിയില് അന്സില് (20) ആണ് അറസ്റ്റിലായത്. കിളിമാനൂരിന് സമീപം താളിക്കുഴിയിലാണ് സംഭവം.
സ്കൂട്ടിയില് യാത്ര ചെയ്യുകയായിരുന്ന പെണ്കുട്ടിയെ പിന്തുടര്ന്ന് ബൈക്കിലെത്തിയ മോഷ്ടാക്കള് താളിക്കുഴിയില് വച്ച് മാല വലിച്ചു പൊട്ടിക്കാന് ശ്രമിക്കുകയുമായിരുന്നു.
പെണ്കുട്ടി നിലവിളിച്ചതിനെ തുടര്ന്ന് രക്ഷപ്പെട്ട മോഷ്ടാക്കളുടെ ബൈക്കിന്റെ നമ്പർ കേന്ദ്രീകരിച്ച് പാങ്ങോട് പൊലീസിന്റെ സഹായത്തോടെ നടത്തിയ അന്വേഷണത്തിലാണ് കിളിമാനൂര് പൊലീസ് പ്രതിയെ അറസ്റ്റ് ചെയ്തത്.
മറ്റ് പ്രതികള്ക്കായുള്ള അന്വേഷണം തുടരുന്നതായി പൊലീസ് പറഞ്ഞു. പ്രതിക്കെതിരേ നെടുമങ്ങാട് പൊലീസ് സ്റ്റേഷനിലും ഇത്തരത്തില് കേസുകള് ഉണ്ടെന്നും പൊലീസ് വ്യക്തമാക്കി.
https://www.facebook.com/Malayalivartha
