ശ്രീലങ്കന് തീരമടുത്ത ചുഴലിക്കാറ്റ് തമിഴ്നാട് തീരത്തേക്ക് നീങ്ങുന്നതോടെ കേരളത്തില് ശക്തമായ മഴയ്ക്കു സാധ്യത, കാറ്റിന്റെ തുടര്ന്നുള്ള ഗതി കൃത്യമായി നിര്ണയിക്കപ്പെട്ടിട്ടില്ല
ബംഗാള് ഉള്ക്കടലില് രൂപം കൊണ്ട ന്യൂനമര്ദം ചുഴലിക്കാറ്റായി മാറി ശ്രീലങ്കന് തീരത്തേക്ക് അടുത്തു. നാളെ ലങ്ക കടക്കുന്ന ചുഴലിക്കാറ്റ് തമിഴ്നാട് തീരത്തേക്കു നീങ്ങും. തന്മൂലം കേരളത്തില് ശക്തമായ മഴയ്ക്കു സാധ്യത. ചുഴലിക്കാറ്റ് വെള്ളിയാഴ്ച പുലര്ച്ചെ കന്യാകുമാരി തീരത്തെത്തുമെന്നാണു നിഗമനം. അതിന്റെ സ്വാധീനം കേരളത്തിലുണ്ടാകുമെങ്കിലും കാറ്റിന്റെ തുടര്ന്നുള്ള ഗതി കൃത്യമായി നിര്ണയിക്കപ്പെട്ടിട്ടില്ല.
കേരളത്തില് തിരുവനന്തപുരം, കൊല്ലം ജില്ലകളിലായിരിക്കും സ്വാധീനം കൂടുതല്. തെക്കന് കേരളത്തിലും തമിഴ്നാട് തീരത്തും ചുഴലിക്കാറ്റ് മുന്നറിയിപ്പിന്റെ രണ്ടാം ഘട്ടമായ യെലോ അലര്ട്ട് നല്കി. കാറ്റിന് മണിക്കൂറില് 90 കിലോമീറ്റര് വരെ വേഗമുണ്ടാകാം.
ശ്രീലങ്കന് തീരത്തേക്ക് അടുത്തുകൊണ്ടിരിക്കുന്ന ചുഴലിക്കാറ്റ് നാളെയോടെ തമിഴ്നാട് തീരത്ത് എത്തുമെങ്കിലും ഗതിമാറി ദുര്ബലമാകാനും സാധ്യതയുണ്ടെന്ന് കരുതുന്നു.
കേരള തീരത്തു നിന്നു കടലില് പോകുന്നതു പൂര്ണമായി നിരോധിച്ചു. കടലിലുള്ളവരോട് അടിയന്തരമായി തിരികെയെത്തണമെന്നു നിര്ദേശിച്ചു.
ഇന്ന് തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളില് ഓറഞ്ച് അലര്ട്ട് (അതിശക്തമായ മഴയ്ക്കു സാധ്യത). ആലപ്പുഴ, കോട്ടയം, എറണാകുളം, തൃശൂര്, പാലക്കാട് ജില്ലകളില് യെലോ അലര്ട്ട് (ശക്തമായ മഴയ്ക്കു സാധ്യത).
നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് റെഡ് അലര്ട്ട് (അതിതീവ്ര മഴയ്ക്കു സാധ്യത). കോട്ടയം, ഇടുക്കി, എറണാകുളം ജില്ലകളില് ഓറഞ്ച് അലര്ട്ട്.
ദുരിതാശ്വാസ ക്യാംപുകള് ഇന്നു മുതല് സജ്ജീകരിക്കാന് ജില്ലാ ഭരണകൂടങ്ങള്ക്കു സംസ്ഥാന സര്ക്കാര് നിര്ദേശം നല്കി. ദുരന്തസാധ്യതാ മേഖലയിലുള്ളവരെ മാറ്റിത്താമസിപ്പിക്കും. മഴ ശക്തിപ്പെട്ടാല് മലയോര മേഖലയിലേക്കുള്ള രാത്രി ഗതാഗതം നിയന്ത്രിക്കും.
ജില്ലാ ദുരന്ത നിവാരണ അതോറിറ്റി, റവന്യു, പൊലീസ്, തദ്ദേശ സ്ഥാപനങ്ങള്, അഗ്നിരക്ഷാ സേന എന്നിവയും ഫിഷറീസ്, ജലസേചന, വൈദ്യുതി വകുപ്പുകളും ദുരന്തനിവാരണ പ്രവര്ത്തനങ്ങള് നടത്തണം. പോസ്റ്റുകളും ബോര്ഡുകളും സുരക്ഷിതമെന്ന് ഉറപ്പു വരുത്തണമെന്നും നിര്ദേശിച്ചിട്ടുണ്ട്.
https://www.facebook.com/Malayalivartha
