തെരഞ്ഞെടുപ്പ് പ്രചരണത്തിനിടെ അലക്‌സിനെ തേടിയെത്തിയത് ദുരന്തവാര്‍ത്ത.... മക്കളെ വാഹനം ഇടിച്ചു തെറിപ്പിച്ചെന്ന വാര്‍ത്ത കേട്ട് നിലവിളിച്ച് കൊണ്ടോടിയെത്തിയ അലക്സ് കേട്ടത് പൊന്നുമക്കള്‍ പോയെന്ന വാര്‍ത്തയും, തകര്‍ന്നു പോയ അലക്‌സിനെ ആശ്വസിപ്പിക്കാനാവാതെ സുഹൃത്തുക്കള്‍ പെണ്‍കുട്ടികളുടെ ദാരുണ മരണത്തില്‍ വിറങ്ങലിച്ച് ഉറുകുന്ന് ഗ്രാമം
തെരഞ്ഞെടുപ്പ് പ്രചരണത്തിനിടെ അലക്‌സിനെ തേടിയെത്തിയത് ദുരന്തവാര്‍ത്ത.... തന്റെ രണ്ട് പെണ്‍മക്കളെയും വാഹനം ഇടിച്ചു തെറിപ്പിച്ചെന്ന വാര്‍ത്ത കേട്ട് നിലവിളിച്ച് കൊണ്ടോടിയെത്തിയ അലക്സ് കേട്ടത് പൊന്നുമക്കള്‍ പോയെന്ന വാര്‍ത്തയും, ഇതോടെ തകര്‍ന്നു പോയ അലക്‌സിനെ ആശ്വസിപ്പിക്കാനാവാതെ സുഹൃത്തുക്കള്‍ വിതുമ്പി .അലക്സ് പഞ്ചായത്ത് തെരഞ്ഞെടുപ്പില്‍ ഉറുകുന്ന് ആറാം വാര്‍ഡില്‍ എന്‍.ഡി.എ സ്ഥാനാര്‍ത്ഥിയാണ്. കുട്ടികള്‍ അലക്സിന്റെ ഉറുകുന്നിലുള്ള കടയില്‍ പോയി വീട്ടിലേക്ക് മടങ്ങുമ്പോഴായിരുന്നു അപകടം നടന്നത്.
ഉറുകുന്ന് നേതാജി ഓലിക്കല്‍ പുത്തന്‍വീട്ടില്‍ അലക്സ് (സന്തോഷ്) സിന്ധു ദമ്ബതികളുടെ മക്കളായ ശാലിനി (14), ശ്രുതി (11), ടിസന്‍ ഭവനില്‍ കുഞ്ഞുമോന്‍ സുജ ദമ്ബതികളുടെ മകള്‍ കെസിയ (17) എന്നിവരാണു മരിച്ചത്.ഉറുകുന്ന് സൊസൈറ്റി കവലയ്ക്കു സമീപം അലക്സ് നടത്തുന്ന ചായക്കടയിലേക്കു പോയ ശാലിനിക്കും ശ്രുതിക്കും ഒപ്പം കൂട്ടുകാരി കെസിയയും ചേരുകയായിരുന്നു. റോഡരികിലൂടെ നടന്നു പോകവേ മൂവരെയും തമിഴ്നാട്ടിലേക്കു പോയ വാന്‍ ഇടിച്ചു തെറിപ്പിക്കുകയായിരുന്നു. തുടര്‍ന്നു വാന്‍ താഴ്ചയിലേക്കു മറിഞ്ഞു.
ഓടിക്കൂടിയ പരിസരവാസികള്‍ മൂവരെയും പുനലൂര്‍ താലൂക്ക് ആശുപത്രിയില്‍ എത്തിച്ചെങ്കിലും ശ്രുതിയും കെസിയയും മരിച്ചു. പുനലൂര്‍ ആശുപത്രിയില്‍ പ്രാഥമിക ചികിത്സക്ക് ശേഷം ശാലിനിയെ തിരുവനന്തപുരം മെഡിക്കല്‍ കോളജില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കേരളത്തില്‍ പച്ചക്കറി ഇറക്കി മടങ്ങുകയായിരുന്നു വാന്‍. അമിതവേഗത്തിലെത്തിയ പിക്-അപ് മറ്റൊരു വാഹനത്തെ മറികടക്കാന്‍ ശ്രമിക്കവേ മൂവരെയും ഇടിച്ചുതെറിപ്പിക്കുകയായിരുന്നു എന്നാണ് സംഭവത്തിന് ദൃക്സാക്ഷികളായവര്‍ പറയുന്നത്. .മൂന്ന് പെണ്‍കുട്ടികളുടെ ദാരുണ മരണത്തില്‍ വിറങ്ങലിച്ചിരിക്കുകയാണ് ഉറുകുന്ന് ഗ്രാമം.
ശാലിനി ഇടമണ്‍ വിഎച്ച്എസ്എസ് ഒന്‍പതാം ക്ലാസിലെയും ശ്രുതി ഒറ്റക്കല്‍ വെല്‍ഫെയര്‍ യുപിഎസ് ആറാം ക്ലാസിലെയും വിദ്യാര്‍ത്ഥികളാണ്. ഒറ്റക്കല്‍ ഗവ. എച്ച്എസ്എസിലെ പ്ലസ് ടു വിദ്യാര്‍ത്ഥിയാണ് കെസിയ. ടിസനാണ് കെസിയയുടെ സഹോദരന്‍. വാന്‍ ഡ്രൈവര്‍ കന്യാകുമാരി ആളൂര്‍ കുലലാര്‍ തെരുവില്‍ വെങ്കിടേശ് സംഭവസ്ഥലത്തു നിന്ന് ഓടി തെന്മല പൊലീസ് സ്റ്റേഷനിലെത്തി കീഴടങ്ങി. ഇയാള്‍ക്കെതിരെ പൊലീസ് കേസെടുത്തു
"
https://www.facebook.com/Malayalivartha
