ശാഖ കിടന്നയിടത്ത് രക്തക്കറ കണ്ടതും വീടിന് പുറത്തുളള മീറ്ററില് ഘടിപ്പിച്ച നിലയില് കേബിള് മൃതദേഹം കിടന്നയിടത്ത് കണ്ടെത്തിയതും സംശയത്തിന് വഴിവച്ചു; ത്രേസ്യാപുരം സ്വദേശിനി ശാഖാകുമാരിയുടെ മരണം കൊലപാതകമെന്ന് പോലീസ്; കുറ്റം സമ്മതിച്ച് ഭര്ത്താവായ അരുണ്
കാരക്കോണത്ത് ഷോക്കേറ്റ് മരിച്ച ത്രേസ്യാപുരം സ്വദേശിനി ശാഖാകുമാരി (51) യുടെ മരണം കൊലപാതകമെന്ന് തെളിഞ്ഞു. ഭര്ത്താവായ ബാലരാമപുരം സ്വദേശി അരുണ്(28) കുറ്റം സമ്മതിച്ചെന്ന് പൊലീസ് അറിയിച്ചു. ഇന്ന് പുലര്ച്ചെയായിരുന്നു സംഭവം. ഷോക്കേറ്റെന്ന് പറഞ്ഞാണ് അരുണ് ശാഖയെ കാരക്കോണം മെഡിക്കല് കോളേജിലെത്തിച്ചത്. വീട്ടില് വച്ച് ഷോക്കേറ്റു എന്നായിരുന്നു അരുണ് ആശുപത്രിയില് അറിയിച്ചത്. എന്നാല് മരണം സംഭവിച്ചു എന്ന് മനസ്സിലാക്കിയ ഡോക്ടര്മാര് പൊലീസിനെ വിവരമറിയിക്കുകയും തുടര്ന്ന് പൊലീസ് എത്തി അരുണിനെ കസ്റ്റഡിയില് എടുക്കുകയുമായിരുന്നു.
ഇവരുടെ വീട്ടിലെത്തിയ ഫോറന്സിക് സംഘം പരിശോധന നടത്തി. രണ്ട് മാസം മുന്പ് വിവാഹിതരായ ശാഖാ കുമാരിയും അരുണും തമ്മില് സംഭവദിവസം തര്ക്കമുണ്ടാകുകയും തുടര്ന്ന് ശാഖാകുമാരിയെ ഷോക്കടിപ്പിച്ച് കൊല്ലുകയായിരുന്നുവെന്ന് പൊലീസിനോട് അരുണ് സമ്മതിച്ചു.
ശാഖയുടെ മരണം കൊലപാതകമാണെന്നും ശാഖ കിടന്നയിടത്ത് രക്തക്കറ കണ്ടതായും വീടിന് പുറത്തുളള മീറ്ററില് ഘടിപ്പിച്ച നിലയില് കേബിള് മൃതദേഹം കിടന്നയിടത്ത് കണ്ടെത്തിയെന്നും ശാഖകുമാരിയുടെ സഹോദരന്റെ ഭാര്യ ഗ്രേസി മുന്പ് അഭിപ്രായപ്പെട്ടിരുന്നു.
https://www.facebook.com/Malayalivartha
