പ്രായപൂര്‍ത്തിയാകാത്ത മക്കളെ വഴിയിലുപേക്ഷിച്ച് കാമുകനോടൊപ്പം പോയ 38കാരി അറസ്റ്റില്‍
പ്രായപൂര്‍ത്തിയാകാത്ത ആണ്‍കുട്ടികളെ ബന്ധു വീട്ടിനടുത്തുള്ള വഴിയില്‍ ഉപേക്ഷിച്ച ശേഷം കാമുകനൊപ്പം നാടുവിട്ട 38കാരിയെ പോലീസ് പിടികൂടി. പത്തനംതിട്ട വെട്ടിപ്പുറം തോപ്പില്‍ വീട്ടില്‍ ബീനയെയാണ് അറസ്റ്റ് ചെയ്തത്. ഒമ്പതും പതിമൂന്നും വയസ്സുള്ള മക്കളെ മലയാലപ്പുഴയിലുള്ള ബന്ധുവീട്ടിന് സമീപം റോഡിലുപേക്ഷിച്ചിട്ട് കാമുകനായ രതീഷിനൊപ്പം ഡിസംബര്‍ 14 നാണ് ബീന നാടുവിട്ടത്. തലച്ചിറയില്‍ ഹോട്ടല്‍ നടത്തുന്ന രതീഷ് രണ്ടു തവണ വിവാഹിതനും നിരവധി കേസ്സുകളിലെ പ്രതിയുമാണ്. ചെന്നൈ, രാമേശ്വരം, തേനി, ബാംഗ്ലൂര്‍ തുടങ്ങിയ സ്ഥലങ്ങളില്‍ കറങ്ങിയിട്ട് തിരികെ നാട്ടിലെത്തി കടമ്മനിട്ടയിലുള്ള സുഹൃത്തിന്റെ വീട്ടില്‍ രഹസ്യമായി കഴിയവേയാണ് ഇരുവരും പോലീസ് പിടിയിലായത്. സിം കാര്‍ഡ് മാറ്റി മാറ്റി ഉപയോഗിച്ചായിരുന്നു ഇവരുടെ സഞ്ചാരം. ബീനയുടെ ഭര്‍ത്താവ് മുമ്ബ് ഗള്‍ഫിലായിരുന്നു. ജുവനൈല്‍ ജസ്റ്റിസ് നിയമപ്രകാരം കേസ്സ് രജിസ്റ്റര്‍ ചെയ്ത് കോടതിയില്‍ ഹാജരാക്കിയ ഇരുവരെയും റിമാന്‍ഡ് ചെയ്തു. ബീന അട്ടക്കുളങ്ങര സബ് ജയിലിലും രതീഷ് കൊട്ടാരക്കര ജയിലിലുമാണ്.
https://www.facebook.com/Malayalivartha
