മാന്യതയോടെ പെരുമാറണം; പോലീസുകാര് തെറി പറയരുതെന്ന് ഉത്തരവ്
പോലീസുകാര് ജനങ്ങളുടെ അന്തസിനെ വിലമതിക്കാതെ തെറിവാക്കുകള് പറയരുതെന്ന് പോലീസ് കംപ്ലെയിന്റ്സ് അതോറിറ്റിയുടെ ഇടക്കാല ഉത്തരവ്. മാന്യതയോടെ പെരുമാറാനും സംസാരിക്കാനുമുള്ള പരിശീലനവും ബോധവല്കരണവും പോലീസുകാര്ക്കു നല്കണമെന്നും അതോറിറ്റി ചെയര്മാന് ജസ്റ്റിസ് കെ. നാരായണക്കുറുപ്പിന്റെ ഉത്തരവിലുണ്ട്.
പോലീസ് ഉദ്യോഗസ്ഥരുടെ ഈ മോശം പ്രവണതയ്ക്കെതിരെ നടപടി സ്വീകരിക്കണമെന്ന നിര്ദേശം സംസ്ഥാനത്തെ എല്ലാ പോലീസ് സൂപ്രണ്ടുമാര്ക്കും കമ്മിഷണര്മാര്ക്കും അയച്ചു കൊടുക്കാനും ഉത്തരവില് പറയുന്നു.
തിരുവനന്തപുരം പോലീസ് ട്രെയ്നിങ് കോളജ് പ്രിന്സിപ്പല്, തൃശൂര് കേരളാ പോലീസ് അക്കാദമി ഡയറക്ടര് എന്നിവര്ക്കും ഉത്തരവിന്റെ കോപ്പി കൈമാറി. പരിശീലന കാലത്തു തന്നെ പോലീസുകാരെ അന്തസോടെ പെരുമാറാന് പരിശീലിപ്പിക്കണമെന്ന നിര്ദേശവും നല്കിയിട്ടുണ്ട്. ഇടക്കാല ഉത്തരവില് ബന്ധപ്പെട്ട എല്ലാ ഉദ്യോഗസ്ഥരും സ്വീകരിച്ച നടപടികള് ഒരു മാസത്തിനകം റിപ്പോര്ട്ടായി സമര്പ്പിക്കണമെന്നും നിര്ദേശിച്ചു. ഈ റിപ്പോര്ട്ടുകള് കൂടി പരിഗണിച്ച ശേഷമായിരിക്കും പരാതിയില് അതോറിറ്റി അന്തിമ ഉത്തരവ് പുറപ്പെടുവിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
