അരുവിക്കര തോറ്റാല്‍ ഉമ്മന്‍ ചാണ്ടി രാജിവയ്ക്കും. അരുവിക്കര തെരഞ്ഞെടുപ്പിന്റെ ഫലം സര്‍ക്കാരിന്റെ ഫലമാണെന്ന് മനസിലാക്കിയായിരിക്കും രാജി. അഥവാ രാജിയ്ക്കു ഉമ്മന്‍ചാണ്ടി തയാറായില്ലെങ്കില്‍ ഹൈക്കമാന്റ് ഇടപെടും. അതേസമയം രമേശ് ചെന്നിത്തല മുഖ്യമന്ത്രിയാകുമെന്ന് ഇപ്പോള്‍ പറയാനാകില്ല. വിഎം സുധീരന്‍ മുഖ്യമന്ത്രിയാവുകയാണെങ്കില്‍ യുഡിഎഫ് സര്‍ക്കാരിന്റെ ഇമേജ് വര്‍ധിക്കുമെന്ന് രാഹുല്‍ ഗാന്ധി കരുതുന്നു. കഴിഞ്ഞമാസം കേരളത്തിലെത്തിയ രാഹുല്‍ ഗാന്ധി ഇത് സംബന്ധിച്ച് ചില അനൗപചാരിക ചര്‍ച്ചകള്‍ നടത്തിയെന്ന് സ്ഥിതീകരിക്കാത്ത റിപ്പോര്‍ട്ടുകളുമുണ്ട്.
സുധീരന് മുഖ്യമന്ത്രിയാകാന്‍ താല്പര്യമുണ്ടെന്നതാണ് വസ്തുത. ഇക്കാര്യം അദ്ദേഹം രാഹുല്‍ ഗാന്ധിയെ അറിയിച്ചിട്ടുണ്ട്. സുധീരനെ കേരളത്തില്‍ മുഖ്യമന്ത്രിയാക്കേണ്ടത് അത്യവശ്യമാണെന്ന് ചില കോണ്‍ഗ്രസ് നേതാക്കള്‍ ഹൈക്കമാന്റിനെ ധരിപ്പിച്ചിട്ടുണ്ട്. അരവിന്ദ് കെജ്‌രിവാളിന്റെ ഇമേജാണ് സുധീരനുള്ളത്. അഴിമതി രഹിതനായതിനാല്‍ ബഹുജനങ്ങളുടെ പിന്തുണ കിട്ടും. അഴിമതിയില്‍ മുങ്ങികുളിച്ച് നില്‍ക്കുന്ന സര്‍ക്കാരിനെ സംബന്ധിച്ചിടത്തോളം ഗ്ലാമര്‍ അത്യാവശ്യമാണ്. ഇല്ലെങ്കില്‍ പൊതുതിരഞ്ഞെടുപ്പില്‍ കോണ്‍ഗ്രസിന്റെ കാര്യം പരുങ്ങലില്‍ ആകുമെന്ന് ഹൈകമാന്റ് കരുതുന്നു. കെജ്‌രിവാളിനൊപ്പമാണ് ജനങ്ങള്‍.
കെജ്‌രിവാളിന് മൂക്കുകയറിടാന്‍ ശ്രമിക്കുന്നു ഇതാണ് ഇന്നത്തെ അവസ്ഥ. സുധീരന്റെ ക്യാബിനറ്റില്‍ അഴിമതിയില്ലാതെ മന്ത്രിമാര്‍ വരും. അഴിമതിരഹിത ഭരണമായിരിക്കും സുധീരന്‍ മന്ത്രിസഭയുടെ മുദ്രാവാക്യം. അരുവിക്കരയിലെ ജയപരാജയങ്ങള്‍ കേരളരാഷ്ട്രീയത്തെ മാറ്റി മറിയ്ക്കും. രാഹുല്‍ഗാന്ധി ഡല്‍ഹിയില്‍ മടങ്ങി എത്തിയാല്‍ ഉടന്‍ ഇക്കാര്യങ്ങള്‍ സോണിയാ ഗാന്ധിയെ അറിയിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha