റബ്ബര് കര്ഷകര്ക്കായി ദേശീയ തലത്തില് പ്രക്ഷോഭം സംഘടിപ്പിക്കും: രാഹുല്
കേരളത്തിലെ റബ്ബര് കര്ഷകരുടെ പ്രശ്നങ്ങള് കേന്ദ്ര സര്ക്കാരിന്റെ ശ്രദ്ധയില് കൊണ്ടുവരുമെന്ന് കോണ്ഗ്രസ് ഉപാദ്ധ്യക്ഷന് രാഹുല് ഗാന്ധി പറഞ്ഞു. വിഷയം പാര്ലമെന്റില് ഉന്നയിക്കുമെന്നും അദ്ദേഹം അറിയിച്ചു. ആലുവയില് റബ്ബര് കര്ഷകരുമായുള്ള കൂടിക്കാഴ്ചയ്ക്കു ശേഷം സംസാരിക്കുകയായിരുന്നു രാഹുല് ഗാന്ധി.
റബ്ബര്, ഏലം കര്ഷകര് അനുഭവിക്കുന്ന ദുരിതങ്ങള് അവരില് നിന്ന് മനസിലാക്കാനായി. ഇവയ്ക്കുണ്ടാവുന്ന വിലത്തകര്ച്ചയാണ് കര്ഷകര് നേരിടുന്ന പ്രശ്നം. ഇക്കാര്യം തീര്ച്ചയായും കേന്ദ്ര സര്ക്കാരിന്റെ മുന്നിലെത്തിക്കും. റബ്ബര് കര്ഷകര്ക്ക് വേണ്ടി ശക്തമായ പ്രക്ഷോഭം സംഘടിപ്പിക്കും രാഹുല് പറഞ്ഞു. സംസ്ഥാനത്ത് റബ്ബര് കര്ഷകരുടെ യോഗം വിളിച്ച ശേഷം ഇത് സംബന്ധിച്ച റിപ്പോര്ട്ട് നല്കാനും രാഹുല് മുഖ്യമന്ത്രി ഉമ്മന്ചാണ്ടിയോട് നിര്ദ്ദേശിച്ചു.
മുഖ്യമന്ത്രി ഉമ്മന്ചാണ്ടി, കെ.പി.സി.സി പ്രസിന്റ് വി.എം.സുധീരന്, മന്ത്രി രമേശ് ചെന്നിത്തല തുടങ്ങിയവരും രാഹുലിനൊപ്പം കൂടിക്കാഴ്ചയില് പങ്കെടുത്തു. രാവിലെ മത്സ്യത്തൊഴിലാളികളുടെ പ്രതിഷേധ റാലി തൃശൂരില് രാഹുല് ഉദ്ഘാടനം ചെയ്തു. രണ്ടു ദിവസത്തെ സന്ദര്ശത്തിനു ശേഷം രാഹുല് ഡല്ഹിയിലേക്ക് മടങ്ങി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
