അവശനിലയിലായ ആനയ്ക്ക് ചികിത്സ നല്‍കിയിരുന്നെങ്കിലും ഫലം കണ്ടില്ല.... ആനക്കാംപൊയിലില്‍ പൊട്ടക്കിണറ്റില്‍ നിന്ന് രക്ഷപ്പെടുത്തിയ ആന ചരിഞ്ഞു. കിണറില്‍ നിന്നും രക്ഷപെടുത്തിയ ആനയെ കാട്ടിലേക്ക് അയച്ചിരുന്നുവെങ്കിലും കിണറിനടുത്ത കൃഷിയിടത്തില്‍ അവശനിലയില്‍ കണ്ടെത്തുകയായിരുന്നു. തുടര്‍ന്ന് വനംവകുപ്പ് ഉദ്യോഗസ്ഥരുടെ നേതൃത്വത്തില്‍ ചികിത്സ നല്‍കിയിരുന്നു.

പൊട്ടക്കിണറ്റില്‍ വീണ കാട്ടാനയെ ശനിയാഴ്ച മണിക്കൂറുകള്‍ നീണ്ട പരിശ്രമത്തിനൊടുവിലാണ് രക്ഷപ്പെടുത്താനായത്. മണ്ണുമാന്തി യന്ത്രം ഉപയോഗിച്ച് കിണറിന്റെ വശങ്ങള്‍ ഇടിച്ച് വഴിയൊരുക്കിയാണ് ആനയെ പുറത്തെത്തിച്ചത്.