സംസ്ഥാന ബഡ്ജറ്റിനെതിരെ രൂക്ഷ വിമര്ശനവുമായി ബിജെപി നേതാവ് പികെ കൃഷ്ണദാസ്
ഇന്ന് നിയമസഭയില് അവതരിപ്പിച്ച പിണറായി സര്ക്കാറിന്റെ ആറാമത്തെ ബഡ്ജറ്റിനെതിരെ രൂക്ഷ വിമര്ശനവുമായി ബിജെപി നേതാവ് പികെ കൃഷ്ണദാസ്. ബഡ്ജറ്റ് വാചകമേളയാണെന്നും തിരഞ്ഞെടുപ്പ് പ്രസംഗമായി ബഡ്ജറ്റിനെ ധനമന്ത്രി തരംതാഴ്ത്തിയെന്നുമാണ് അദ്ദേഹം കുറ്റപ്പെടുത്തുന്നത്.
ബഡ്ജറ്റ്അവിശ്വസിനീയവും അയഥാര്ത്ഥവും അപ്രായോഗികമാണെന്നും പികെ കൃഷ്ണദാസ് അഭിപ്രായപ്പെട്ടു.തോമസ് ഐസക്കിന്റെ കഴിഞ്ഞകാല അഞ്ച് ബഡ്ജറ്റുകളുടെ ആവര്ത്തനം മാത്രമാണിത്. എട്ട് ലക്ഷം പേര്ക്ക് തൊഴില് കൊടുക്കുമെന്ന് അദ്ദേഹം പറയുന്നു. ഏത് മേഖലയിലാണ് എട്ട് ലക്ഷം പേര്ക്ക് തൊഴില് കൊടുക്കുക. തകര്ന്നടിയുന്ന കാര്ഷിക മേഖലയെ പുനരുജ്ജീവിപ്പിക്കാന് എന്ത് നിര്ദേശമാണ് ബഡ്ജറ്റിലുള്ളത്. പികെ കൃഷ്ണദാസ് പറഞ്ഞു.
സാധാരണ കേരളത്തില്, കാര്ഷികവ്യാവസായിക മേഖലകള് തകര്ന്നാലും സേവന മേഖലയാണ് കുറച്ച് മുന്നോട്ടേക്ക് പോയിരുന്നത്. ഇത്തവണ സേവന മേഖലയും തകര്ന്നിരിക്കുകയാണ്. ബിജെപി നേതാവ് പറഞ്ഞു.
ടൂറിസം മേഖലയും തകര്ന്നിരിക്കുകയാണെന്നും ഇവിടെയെല്ലാം തൊഴില് സൃഷ്ടിക്കാന് ഒരു സാദ്ധ്യതയുമില്ലെന്നും പികെ കൃഷ്ണദാസ് പറയുന്നു. ധനമന്ത്രി ഒരു കാര്യത്തില് പ്രധാനമന്ത്രി നരേന്ദ്ര മോഡിയോട് നന്ദി പറയേണ്ടതായിരുന്നു.കാരണം, ഇതിലെ ചില പദ്ധതികള് കേന്ദ്ര സര്ക്കാരിന്റേതാണ് സംസ്ഥാന സര്ക്കാരിന്റേതല്ല. അദ്ദേഹം പറയുന്നു.
എല്ലാവര്ക്കും പാര്പ്പിടമെന്ന കേന്ദ്ര സര്ക്കാരിന്റെ പദ്ധതി പേര് മാറ്റിയിട്ടാണെങ്കിലും കേരളത്തില് നടപ്പാക്കുകയാണ്. കേന്ദ്ര സര്ക്കാര് പദ്ധതികളല്ലാതെ സംസ്ഥാന സര്കാരിന്റെതായിട്ട് കഴിഞ്ഞ അഞ്ച് വര്ഷക്കാലമായിട്ട് പദ്ധതികള് നടന്നിട്ടില്ല. നരേന്ദ്ര മോഡി സര്ക്കാരിന്റെ ഉദാരമായ സമീപനംകൊണ്ടാണ് കേരളത്തില് ട്രഷറി പൂട്ടാതിരിക്കുന്നത്. പികെ കൃഷ്ണദാസ് അഭിപ്രായപ്പെട്ടു.
https://www.facebook.com/Malayalivartha