ചെന്നിത്തലയും ഉമ്മന് ചാണ്ടി അറിയാന്.... സുകുമാരന്നായര്ക്കു പിന്നാലെ വെള്ളാപ്പള്ളിയും ഒരു വിഭാഗം പള്ളിക്കാരും തള്ളിയതോടെ ഉമ്മന് ചാണ്ടി- ചെന്നിത്തല ടീമിന്റെ നീക്കങ്ങളെല്ലാം പൊളിയുന്നു...
സുകുമാരന്നായര്ക്കു പിന്നാലെ വെള്ളാപ്പള്ളിയും ഒരു വിഭാഗം പള്ളിക്കാരും തള്ളിയതോടെ ഉമ്മന് ചാണ്ടി- ചെന്നിത്തല ടീമിന്റെ നീക്കങ്ങളെല്ലാം പൊളിയുകയാണ്. ചങ്ങനാശേരി എസ്ബി കോളജില് പൂര്വവിദ്യാര്ഥി സമ്മേനത്തില് നിയമസഭാപ്രവേശനത്തിന്റെ 50-ാം വാര്ഷികത്തിന്റെ ആദരവ് വാങ്ങി ചങ്ങനാശേരി ആര്ച്ച് ബിഷപ്പിനെയും കണ്ടുനോക്കി.
മുസ്ലീങ്ങളുടെ വോട്ടു കിട്ടാന് ഉമ്മന് ചാണ്ടി പാണക്കാട്ട് പോകേണ്ടതില്ല, മറിച്ച അത് കുഞ്ഞാലിക്കുട്ടി വഴി യുഡിഎഫില് കിട്ടുക തന്നെ ചെയ്യും. അത് യുഡിഎഫിന്റെ വോട്ടല്ല മറിച്ച് മുസ്ലീം ലീഗിന്റെ വോട്ട് അവരുടെ സ്വ്ന്തം വിശ്വാസത്തിന്റെയും സമുദായത്തിന്റെയും സ്വന്തമാണ്.
പള്ളിയും അമ്പലവും മതാചാര്യന്മാരുടെ വീടും കയറിയാല് നായരും ക്രിസ്ത്യാനിയും ഈഴവരുമൊക്കെ വോട്ടു യുഡിഎഫിന് ചെയ്യുമെന്നാണ് ഉമ്മന് ചാണ്ടിയുടെ ധാരണ. മതനേതാക്കള് മൊഴിഞ്ഞാലേ മതവിശ്വാസികള് യുഡിഎഫിന് വോട്ടു ചെയ്യൂ എന്ന മൂഢമായ ചിന്ത കുറെ യുഡിഎഫ് നേതാക്കള്ക്ക് കാലങ്ങളായുണ്ട്.
യുഡിഎഫ് അനുഭാവിച്ച് തനിച്ചു ചിന്തിക്കാനും അനുയോജ്യനായ സ്ഥാനാര്ഥിയെ കണ്ടെത്തി വോട്ടുചെയ്യാനും മതാചാര്യന്മാരുടെ ഒത്താശ വേണമെന്ന് ഇവര് ധരിക്കുന്നെങ്കില് അത് ശുദ്ധ അബദ്ധവും കാലഹരണപ്പെട്ട ചിന്താഗതിയുമാണ്.
എല്ലാ ഇലക്ഷനു മുന്പും ഇവരൊക്കെ പെരുന്നയിലും കണിച്ചുകുളങ്ങരയിലും ദേവലോകത്തും ഇതര അരമനകളിലും മതാചാര്യത്തിന്റെ വീടുകളിലുമൊക്കെ പോകാറുള്ളതാണ്. ആചാര്യന് അനുഗ്രഹം ചൊരിയുന്ന കാലത്തും ജനം ഇടതുമുന്നണിക്ക് വോട്ടു ചെയ്യുന്നതും ആചാര്യനെ ഞെട്ടിച്ച് എല്ഡിഎഫ് അധികാരത്തില് വരുന്നതും കേരളത്തില് പുതുമയുള്ള കാര്യമല്ല.
യുഡിഎഫിനു ഭരണം കിട്ടിയാല് മന്ത്രി പദവി മുതല് താഴോട്ടുള്ള പദവികള്ക്ക് മതാചാര്യന്മാരുടെ സമ്മര്ദം പതിവാണ്. എന്നാല് എല്ഡിഎഫ് ഭരിക്കുമ്പോള് ആചാര്യന്മാരൊക്കെ അകത്തണങ്ങളില് ഒതുങ്ങിയിരിക്കുകയല്ലാതെ ഞങ്ങള്ക്കും കിട്ടണം ജാതി ക്വാട്ട എന്നൊന്നും പറഞ്ഞുകാണാറില്ല.
കേരളത്തിലെ ശരാശരി ബുദ്ധിവിവേകമുള്ള ജനത്തിന് ആ സാഹചര്യത്തിനൊത്തും സ്ഥാനാര്ഥിയെ വിലയിരുത്തിയും വോട്ടു ചെയ്യാന് വിവരമുള്ളതുകൊണ്ടാണല്ലോ കേരളത്തില് ഇടതു വലതു മുന്നണികള് മാറി മാറി ഭരണം പിടിക്കാറുള്ളത്.
മതാചാര്യന് പറഞ്ഞാല് വോട്ട് ജാതിപ്പെട്ടിയില് വിശ്വാസി വീഴിക്കുന്ന കാലമൊക്കെ പോയി. യുഡിഎഫിനു ജാതിയുണ്ടെന്നും ജാതി പാര്ട്ടികള് അതിലുണ്ടെന്നതിനും രണ്ടു പക്ഷമില്ല. പക്ഷെ ജാതി മാത്രം നോക്കിയല്ല സ്ഥാനാര്ഥിയെ വിലയിരുത്തികൂടിയാണ് കേരളത്തിലെ ജനം വോട്ടുചെന്നതെന്ന തിരിച്ചറിവ് യുഡിഎഫ് നേതൃത്വത്തിനുണ്ടാകണം.
പടുകിളവന്മാരും അധികാരത്തൊതിയന്മാരും ജാതിയുടെ പിന്ബലം പറഞ്ഞ് സ്ഥാനാര്ഥിയായാല് കണ്ണുമടച്ച് വോട്ടു ചെയ്യുന്ന കാലമൊക്കെ പോയി. ജനം തള്ളിയ സ്ഥാനാര്ഥികളെ കളത്തിലിറക്കി പലപ്പോഴും യുഡിഎഫ് അവതരിപ്പിച്ചതുകൊണ്ട് എത്രയോ സീറ്റുകള് യുഡിഎഫിന് ഓരോ കാലത്തായി കേരളത്തില് നഷ്ടമായി. എണ്ണപ്പറഞ്ഞാല് തൃശൂര്, എറണാകുളം, ഇടുക്കി, കോട്ടയം, പത്തനംതിട്ട ജില്ലകളില് യുഡിഎഫിന് കാലങ്ങളായി ആധിപത്യമുണ്ടായിരുന്ന 20 സീറ്റുകള് നഷ്ടമായത് ഇത്തരം നെറികെട്ട കളികൊണ്ടു മാത്രമാണ്.
അമ്പലം, പള്ളി, ആചാര്യന്മാര്ക്കു മുന്നില് പോയി യാചന നടത്താതെ യുഡിഎഫ് ഗ്രൂപ്പും ഉപഗ്രൂപ്പും വിട്ട് ഒരുമയോടെ നില്ക്കുക.പരസ്പരം കാലുവരാലും ചെളിവാരിയേറും നിറുത്തി ജനങ്ങളുടെ വികാരം അറിഞ്ഞ് നിലകൊള്ളുക. ഒപ്പം പടുകിളവന്മാര് മാറി നിന്ന് പുതിയ തലമുറയെ സ്ഥാനാര്ഥികളാണ്. കോവിഡിന്റെ വരവോടെ മതസംവിധാനംതന്നെ താറുമാറായിരിക്കെ, ആചാര്യന്മാരുടെ പിന്നാലെ പോകാതെ ജനങ്ങളുടെ മധ്യത്തിലേക്ക് നേതാക്കള് ഇറങ്ങിവരിക.
"
https://www.facebook.com/Malayalivartha