കോൺഗ്രസ്എം പി ശശി തരൂരിനെതിരെ വിമർശനവുമായി ശോഭ സുരേന്ദ്രന്‍ രംഗത്ത്. ശശിതരൂരിനെതിരെ പോലീസ് കേസ് വന്ന സാഹചര്യത്തിലാണ് അദ്ദേഹത്തെക്കുറിച്ച് ശോഭാ സുരേന്ദ്രൻ രംഗത്ത് വന്നിരിക്കുന്നത്. ശശി തരൂർ , മാധ്യമപ്രവര്‍ത്തകരായ രാജ്ദീപ് സര്‍ദേശായി, വിനോദ് കെ. ജോസ് , മൃണാള്‍ പാണ്ഡെ തുടങ്ങി എട്ടുപേര്‍ക്കെതിരെ യു.പി പൊലീസ്​ രാജ്യദ്രോഹക്കുറ്റം ചുമത്തിയിരുന്നു . ട്രാക്ടര്‍ റാലിക്കിടെ കര്‍ഷകന്‍ മരിച്ച സംഭവത്തില്‍ പോസ്റ്റ്​ ചെയ്​ത ട്വീറ്റുകളുടെയും വാര്‍ത്തകളുടെയും അടിസ്ഥാനത്തിലാണ് ​ നോയിഡ സെക്ടര്‍ -20 പോലീസ് സ്റ്റേഷനില്‍ എഫ്‌.ഐ.ആര്‍ രജിസ്റ്റര്‍ ചെയ്​തത്​. അര്‍പിത് മിശ്ര എന്നയാളാണ്​ പരാതിക്കാരന്‍. 11 വകുപ്പുകളാണ് ​തരൂര്‍ അടക്കമുള്ളവര്‍ക്കെതിരെ ചുമത്തിയത്. ഇപ്പോഴിതാ ഇതില്‍ പ്രതികരണവുമായി എത്തിയിരിക്കുകയാണ് ശോഭ സുരേന്ദ്രന്‍. ശശിതരൂരല്ല ഏത് ഒടയതമ്ബുരാനാണെങ്കിലും കേസെടുത്ത് അകത്തിടുമെന്ന് ശോഭ സുരേന്ദ്രന്‍ പറഞ്ഞു. ഫേസ്ബുക്ക് പോസ്റ്റിലൂടെയാണ് ശോഭ ഈക്കാര്യം പറയുന്നത്. കുറിപ്പിന്റെ പൂര്‍ണരൂപം ;

രാജ്യത്തിന്റെ റിപ്പബ്ലിക് ദിനത്തില്‍ ആയുധങ്ങളുമായി ഒരു ജനക്കൂട്ടത്തെ, പ്രധാനമന്ത്രി ദേശീയപതാക ഉയര്‍ത്തിയ ചെങ്കോട്ടയിലേക്ക് പറഞ്ഞയച്ചിട്ട്, കലാപം ആളിക്കത്തിക്കാന്‍ ഇരുട്ടത്തിരുന്ന് വ്യാജ വാര്‍ത്തകള്‍ പ്രചരിപ്പിക്കുന്നത് ശശിതരൂരല്ല ഏത് ഒടയതമ്ബുരാനാണെങ്കിലും രാജ്യദ്രോഹമാണ്. കേസെടുക്കും. അകത്തിടും.എന്നാണ് അവർ കുറിപ്പിലൂടെ പറഞ്ഞിരിക്കുന്നത്.

നേരത്തെ തന്നെ ഫേസ്ബുക്ക് കുറിപ്പിലൂടെ കലാപകാരികൾ ക്കെതിരെ ശോഭാ സുരേന്ദ്രൻ പ്രതികരിച്ചിരുന്നു. വിജയിപ്പിക്കുന്നതിന് ഉയർന്ന ആക്ഷേപങ്ങൾ ക്കെതിരെ അവർ പറഞ്ഞു നേരത്തെ പങ്കുവെച്ച കുറിപ്പ് ഇങ്ങനെയായിരുന്നു.ദീപ് സിദ്ധു ബിജെപിക്കാരൻ ആണെന്നാണ് ഇന്നലെ മുതൽ ഇടതുപക്ഷ ജിഹാദി സർക്കിളുകൾ പ്രചരിപ്പിക്കുന്നത്. ഇന്നലെ വൈകിട്ട് തന്നെ ഒരു ദേശീയ മാധ്യമത്തിന് നൽകിയ അഭിമുഖത്തിൽ താൻ ഒരിക്കലും ബിജെപിക്കാരൻ ആയിരുന്നില്ല എന്ന് ദീപ് സിദ്ദു വെളിപ്പെടുത്തുന്നുണ്ട്. സണ്ണി ഡിയോൾ ഒരു സിനിമാതാരം ആയതിനാൽ അദ്ദേഹത്തെ പിന്തുണക്കുക മാത്രമാണ് ചെയ്തതെന്നും ദിപ് സിദ്ദു പറയുന്നുണ്ട്.