നിയമസഭ തെരഞ്ഞെടുപ്പില് ഓണ്ലൈന് ആയി നാമനിര്ദ്ദേശപത്രിക സമര്പ്പിക്കാമെന്ന് മുഖ്യതെരഞ്ഞെടുപ്പ് ഓഫീസര് ടിക്കാറാം മീണ..... കോവിഡിന്റെ പശ്ചാത്തലത്തില് വരാനിരിക്കുന്ന നിയമസഭാ തെരഞ്ഞെടുപ്പും തെരഞ്ഞെടുപ്പുമായി ബന്ധപ്പെട്ട എല്ലാ പ്രവൃത്തികളും കര്ശന കോവിഡ് മാനദണ്ഡങ്ങള് പാലിച്ചു നടത്തും
നിയമസഭ തെരഞ്ഞെടുപ്പില് ഓണ്ലൈന് ആയി നാമനിര്ദ്ദേശപത്രിക സമര്പ്പിക്കാമെന്ന് മുഖ്യതെരഞ്ഞെടുപ്പ് ഓഫീസര് ടിക്കാറാം മീണ. ഓണ്ലൈനായി പത്രിക നല്കുന്നവര് അതു ഡൗണ്ലോഡ് ചെയ്ത് പകര്പ്പ് വരണാധികാരിക്ക് നല്കണം.
തെരഞ്ഞെടുപ്പിന് സ്ഥാനാര്ഥി കെട്ടിവെക്കേണ്ട തുകയും ഓണ്ലൈനായി അടയ്ക്കാന് സൗകര്യം ഇത്തവണ ഉണ്ടാകുമെന്നും അദ്ദേഹം പറഞ്ഞു. നിയമസഭാ തെരഞ്ഞെടുപ്പ് ഒരുക്കങ്ങള് സംബന്ധിച്ച് രാഷ്ട്രീയ കക്ഷി നേതാക്കളുമായും അദ്ദേഹം ചര്ച്ച നടത്തി.
കോവിഡ് പശ്ചാത്തലത്തില് പാലിക്കേണ്ട മാര്ഗനിര്ദേശങ്ങള് സംബന്ധിച്ചും രാഷ്ട്രീയ കക്ഷി നേതാക്കളോട് അദ്ദേഹം വിശദീകരിച്ചു നാമനിര്ദേശപത്രിക സമര്പ്പിക്കാനെത്തുമ്പോള് സ്ഥാനാര്ഥിക്കൊപ്പം രണ്ടുപേരെ മാത്രമേ അനുവദിക്കൂവെന്ന് അദ്ദേഹം അറിയിച്ചു.
പ്രചാരണ വാഹനജാഥകള്ക്ക് പരമാവധി അഞ്ചു വാഹനങ്ങളാകും അനുവദിക്കുക. ഒരെണ്ണം പൂര്ത്തിയായി അരമണിക്കൂറിന് ശേഷമേ അടുത്ത ജാഥ അനുവദിക്കൂ. ഇത്തവണ 80 വയസ് കഴിഞ്ഞവര്, ഭിന്നശേഷിക്കാര്, കോവിഡ് രോഗികള് എന്നിവര്ക്ക് തപാല് വോട്ടിന് സൗകര്യമൊരുക്കുമെന്ന് മുഖ്യ തെരഞ്ഞെടുപ്പ് ഓഫീസര് വ്യക്തമാക്കി. ഇത്തരക്കാര്ക്ക് തപാല് വോട്ട് നേരിട്ട് എത്തിക്കാന് ജില്ലാതലത്തില് പ്രത്യേക ടീം രൂപീകരിക്കും.
തപാല് വോട്ടിന് ആഗ്രഹിക്കുന്നവര് 12-ഡി ഫോറത്തില് അതത് വരണാധികാരിക്ക് അപേക്ഷ നല്കണം. തെരഞ്ഞെടുപ്പ് പ്രഖ്യാപിക്കുന്ന തീയതി മുതല് വിജ്ഞാപനം വന്ന് അഞ്ചുദിവസം വരെ ഇത്തരത്തില് തപാല് വോട്ടിന് അപേക്ഷിക്കാം. തപാല് വോട്ട് അനുവദിക്കുന്നവരുടെ പ്രത്യേക പട്ടിക ബൂത്തടിസ്ഥാനത്തില് വരണാധികാരി തയാറാക്കും.
ഉദ്യോഗസ്ഥരുടെ പ്രത്യേക ടീം വീടുകളില് ഇവ നല്കും. ടീമില് രണ്ടു പോളിംഗ് ഓഫീസര്മാര്, ഒരു പോലീസ് സെക്യൂരിറ്റി, ഒരു വീഡിയോഗ്രാഫര് എന്നിവരുണ്ടാകും. ഇവര് ബാലറ്റ് നല്കാന് പോകുന്ന സമയക്രമം സ്ഥാനാര്ഥികളെ മുന്കൂട്ടി അറിയിക്കും. ഇതുപ്രകാരം സ്ഥാനാര്ഥികളുടെ പ്രതിനിധികള്ക്കും സ്ഥലത്ത് എത്താനാകും.
വോട്ടെടുപ്പും അനുബന്ധ പ്രവര്ത്തനങ്ങളും സമാധാനപരമായി നടത്താനുള്ള എല്ലാ പിന്തുണയും രാഷ്ട്രീയ കക്ഷികളോട് മുഖ്യതെരഞ്ഞെടുപ്പ് ഓഫീസര് അഭ്യര്ഥിച്ചു. വോട്ടിംഗിന് സാമൂഹ്യ അകലം പാലിക്കാന് ആറടി അകലത്തില് ജനങ്ങളെ ക്രമീകരിച്ചുള്ള ക്യൂ ഒരുക്കണം. കോവിഡ് മാനദണ്ഡങ്ങള് പാലിച്ചില്ലെങ്കില് ശക്തമായ നടപടി സ്വീകരിക്കുമെന്നും അദ്ദേഹം ഓര്മിപ്പിച്ചു.
https://www.facebook.com/Malayalivartha
