വാഹനരജിസ്ട്രേഷനും ഡ്രൈവിങ് ലൈസന്സിനും ആധാര് നിര്ബന്ധമാക്കുന്നു..... ഓണ്ലൈന് സേവനങ്ങള് സുരക്ഷിതമാക്കുന്നതിന്റെ ഭാഗമായി കേന്ദ്രസര്ക്കാരിന്റേതാണ് ഭേദഗതി
ഡ്രൈവിങ് ലൈസന്സിനും വാഹനരജിസ്ട്രേഷനും ആധാര് നിര്ബന്ധിത തിരിച്ചറിയല് രേഖയാക്കാനൊരുങ്ങുന്നു. ഓണ്ലൈന് സേവനങ്ങള് സുരക്ഷിതമാക്കുന്നതിന്റെ ഭാഗമായി കേന്ദ്രസര്ക്കാരിന്റേതാണ് ഭേദഗതി.
ബിനാമികളുടെ പേരുകളില് വാഹനങ്ങള് രജിസ്റ്റര് ചെയ്യുന്നതും വ്യാജരേഖകള് ഉപയോഗിച്ച് ഡ്രൈവിങ് ലൈസന്സ് നേടുന്നതും തടയുന്നതിനാണ് ഈ നടപടി സ്വീകരിച്ചത്. അപേക്ഷകള്ക്കൊപ്പം ഫോട്ടോപതിച്ച അംഗീകൃത തിരിച്ചറിയല് കാര്ഡുകളുടെ പകര്പ്പുകളാണ് ഇപ്പോള് സമര്പ്പിക്കേണ്ടത്.
ഭേദഗതി നടപ്പാക്കുന്നതിന്റെ ഭാഗമായി കേന്ദ്ര ഉപരിതലഗതാഗതമന്ത്രാലയം സംസ്ഥാന സര്ക്കാരുകളുടെയും പൊതുജനങ്ങളുടെയും അഭിപ്രായം തേടി. ഈ മാസം അവസാനത്തോടെ വിജ്ഞാപനം ഇറങ്ങാനാണ് സാധ്യത.
സുരക്ഷാവീഴ്ചകള് ശ്രദ്ധയില്പെട്ടതിനെ തുടര്ന്ന് കേന്ദ്ര ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി മന്ത്രാലയമാണ് മോട്ടോര്വാഹനവകുപ്പിലും ആധാര് നിര്ബന്ധമാക്കാന് നിര്ദേശിച്ചത്. ലേണേഴ്സ് ലൈസന്സ്, ലൈസന്സ് പുതുക്കല്, ഡ്യൂപ്ലിക്കേറ്റ് ഡ്രൈവിങ് ലൈസന്സ്, അഡ്രസ് മാറ്റം എന്നിവയ്ക്കും ഇന്റര്നാഷണല് ഡ്രൈവിങ് പെര്മിറ്റിനുമാണ് ആദ്യഘട്ടത്തില് ആധാര് നിര്ബന്ധമാക്കുക.
ഇതിനൊപ്പം പുതിയ വാഹനങ്ങളുടെ രജിസ്ട്രേഷന്, ഉടമസ്ഥാവകാശ കൈമാറ്റം, അഡ്രസ് മാറ്റം, എതിര്പ്പില്ലാരേഖ എന്നിവയ്ക്കും ആധാര് വേണ്ടിവരും.വാഹനങ്ങളുടെ ഉടമസ്ഥാവകാശ കൈമാറ്റത്തിനുള്ള നടപടിക്രമങ്ങള് പൂര്ണമായും ഓണ്ലൈനാണ്.
"
https://www.facebook.com/Malayalivartha
