വയനാട്ടിലെ രാഷ്ട്രീയ നാടകങ്ങൾ അവസാനിക്കുന്നില്ല; സിപിഎമ്മിലും രാജി; കോണ്ഗ്രസ് നേതാവ് എം.എസ്. വിശ്വനാഥന് സിപിഎമ്മില് ചേര്ന്നതില് പ്രതിഷേധിച്ച് സിപിഎമ്മിൽ നിന്നും രാജിവെച്ച് പുല്പ്പള്ളി ഏരിയ കമ്മിറ്റി അംഗം ഇ.എ. ശങ്കരൻ; ചുവടുമാറ്റം കോൺഗ്രസിലേക്കെന്ന് സൂചന
വയനാട്ടിൽ നിയമസഭാ തിരഞ്ഞെടുപ്പിനനുബന്ധമായ ചുവടുമാറ്റങ്ങൾ തുടരുന്നു.വയനാട്ടില് സിപിഎമ്മിലും രാജി. പുല്പ്പള്ളി ഏരിയ കമ്മിറ്റി അംഗം ഇ.എ. ശങ്കരനാണ് രാജിവച്ചത്. കോണ്ഗ്രസ് നേതാവ് എം.എസ്. വിശ്വനാഥന് സിപിഎമ്മില് ചേര്ന്നതില് പ്രതിഷേധിച്ചാണ് രാജി.
സിപിഎമ്മിന്റെ ആദിവാസി സംഘടനയുടെ അഖിലേന്ത്യ ഉപാധ്യക്ഷനാണ് ഇ.എ. ശങ്കരന്. സിപിഎമ്മില്നിന്ന് രാജിവച്ച അദ്ദേഹം കോണ്ഗ്രസില് ചേരുമെന്നും അറിയിച്ചു. സുല്ത്താന് ബത്തേരിയില് സിപിഎം സ്ഥാനാര്ഥിയായി അദ്ദേഹത്തെ പരിഗണിച്ചിരുന്നു.
എന്നാല് കോണ്ഗ്രസില് നിന്ന് രാജിവച്ചെത്തിയ വിശ്വനാഥനെ ബത്തേരിയില് എല്ഡിഎഫ് പിന്തുണയില് മത്സരിപ്പിക്കാനുള്ള നീക്കം സജീവമായതോടെയാണ് സിപിഎം വിടാന് തീരുമാനിച്ചത്. ആദിവാസികളോട് വഞ്ചനാപരമായ നിലപാടാണ് എല്ഡിഎഫ് സര്ക്കാര് കൈക്കൊണ്ടതെന്നും ശങ്കരന് കുറ്റപ്പെടുത്തി.
https://www.facebook.com/Malayalivartha