തിരഞ്ഞെടുപ്പിൽ ഹരിതചട്ടപാലനം ഉറപ്പാക്കുക ലക്ഷ്യം; ശുചിത്വമിഷന്റെയും ഹരിതകേരളം മിഷന്റെയും നേതൃത്വത്തില് ഓണ്ലൈന് പരിശീലനം സംഘടിപ്പിച്ചു
നിയമസഭാ തിരഞ്ഞെടുപ്പ് അടുത്തിരിക്കുന്ന സമയം നിരവധി ചട്ടങ്ങൾ പാലിക്കാനുള്ള ശ്രമം നടക്കുന്നുണ്ട്. ഹരിതചട്ടപാലനം ഉറപ്പാക്കിയാണ് ഈ പ്രാവശ്യം തെരഞ്ഞെടുപ്പ് നടക്കുന്നത് . ഇതിന്റെ ഭാഗമായി പാലക്കാട് നിയമസഭാമണ്ഡലം റിട്ടേണിംഗ് ഓഫീസര്, അസിസ്റ്റന്റ് റിട്ടേണിംഗ് ഓഫീസര്, ഇലക്ടറല് രജിസ്ട്രേഷന് ഓഫീസര്, മണ്ഡലംതല ഗ്രീന് പ്രോട്ടോക്കോള് നോഡല് ഓഫീസര്മാര് എന്നിവര്ക്കായി ജില്ലാ ശുചിത്വമിഷന്റെയും ഹരിതകേരളം മിഷന്റെയും നേതൃത്വത്തില് ഓണ്ലൈന് പരിശീലനം സംഘടിപ്പിച്ചു.
ഹരിതകേരളം മിഷന് ജില്ലാ കോര്ഡിനേറ്റര് വൈ.കല്യാണകൃഷ്ണന് ആമുഖാവതരണം നടത്തി. ജില്ലാ ശുചിത്വമിഷന് കോ-ഓര്ഡിനേറ്ററും ഗ്രീന് പ്രോട്ടോക്കോള് നോഡല് ജില്ലാതല ഓഫീസറുമായ ടി.ജി.അഭിജിത് ക്ലാസെടുത്തു. ജില്ലാ മലിനീകരണ നിയന്ത്രണ ബോര്ഡ് എന്വിറോണ്മെന്റല് എഞ്ചിനീയര് കെ.കൃഷ്ണന് , ജില്ലാ ശുചിത്വമിഷന് പ്രോഗ്രാം ഓഫീസര് എ.ഷരീഫ് എന്നിവര് സംസാരിച്ചു.
കേരളത്തിൽ ഏപ്രിൽ ആറിന് വോട്ടെടുപ്പ് നടക്കുകയാണ് . ഒറ്റ ഘട്ടമായാണ് വോട്ടെടുപ്പ് നടക്കുക . തിരഞ്ഞെെടുപ്പ് വിജ്ഞാപനം മാർച്ച് 12നു പുറത്തിറങ്ങും. നാമനിർദേശ പത്രിക സമർപ്പിക്കുന്നതിനുളള അവസാന തീയതി മാർച്ച് 19. സൂക്ഷ്മ പരിശോധന 20ന് നടക്കും. പത്രിക പിൻവലിക്കാനുള്ള അവസാന തീയതി 22നാണ്. വോട്ടെണ്ണൽ മേയ് രണ്ടിന്. മലപ്പുറം ഉപതിരഞ്ഞെടുപ്പും ഏപ്രിൽ 6 ന് നടക്കും.
കേരളം, പശ്ചിമ ബംഗാൾ, അസം, തമിഴ്നാട് എന്നീ നാല് സംസ്ഥാനങ്ങളിലും കേന്ദ്ര ഭരണപ്രദേശമായ പുതുച്ചേരിയിലുമാണ് തിരഞ്ഞെടുപ്പ് നടക്കുന്നത്. പശ്ചിമ ബംഗാളില് എട്ടു ഘട്ടമായാണു വോട്ടെടുപ്പ്.
മാര്ച്ച് 27, ഏപ്രില് 1, ഏപ്രില് 6, ഏപ്രില് 10, ഏപ്രില് 17, ഏപ്രില് 22, ഏപ്രില് 26, ഏപ്രില് 29 എന്നിങ്ങനെയാണു പോളിങ് തീയതികള്. വോട്ടെണ്ണല് മേയ് രണ്ടിന്. അസമിൽ മൂന്നു ഘട്ടമായിട്ടാണ് തിരഞ്ഞെടുപ്പ്. മാർച്ച് 27 ന് ആദ്യഘട്ടം. രണ്ടാം ഘട്ടം ഏപ്രിൽ 1 ന്. മൂന്നാം ഘട്ടം ഏപ്രിൽ 6 ന്.
തമിഴ്നാട്ടിലെ 234 സീറ്റുകളിലേക്കുള്ള തിരഞ്ഞെടുപ്പ് ഒരൊറ്റ ഘട്ടത്തിലാണ് നടക്കുക. തിരഞ്ഞെടുപ്പ് വിജ്ഞാപനം മാര്ച്ച് 12ന്. നാമനിര്ദേശ പത്രിക സമര്പ്പിക്കാനുള്ള അവസാന തീയതി മാര്ച്ച് 19. സൂക്ഷ്മപരിശോധന മാര്ച്ച് 20 ന്.
സ്ഥാനാര്ത്ഥിത്വം പിന്വലിക്കാനുള്ള അവസാന തീയതി മാര്ച്ച് 22. പോളിങ് തീയതി ഏപ്രില് 6. വോട്ടെണ്ണല് തീയതി മേയ് 2. പുതുച്ചേരിയിൽ ഒറ്റഘട്ടമായിട്ടാണ് വോട്ടെടുപ്പ്. ഏപ്രിൽ 6 നാണ് വോട്ടെടുപ്പ്. മേയ് 2 നാണ് വോട്ടെണ്ണൽ. മുഖ്യ തിരഞ്ഞെടുപ്പ് കമ്മീഷണര് സുനില് അറോറ വാര്ത്ത സമ്മേളനത്തിലാണ് ഇക്കാര്യം അറിയിച്ചത്.
https://www.facebook.com/Malayalivartha