കന്യാസ്ത്രീകൾക്ക് നേരെ നടന്ന ആക്രമം; അറസ്റ്റിലായ സംഘപരിവാര് പ്രവര്ത്തകര്ക്ക് കോടതി ജാമ്യം നൽകി
യുപിയിലെ ഝാന്സിയില് ട്രെയിന് യാത്രയ്ക്കിടെ മലയാളി കന്യാസ്ത്രീയടക്കമുള്ള സംഘത്തെ ആക്രമിച്ച കേസില് അറസ്റ്റിലായ സംഘപരിവാര് പ്രവര്ത്തകര്ക്ക് കോടതി ജാമ്യം നൽകി. ജില്ലാ മജിസ്ട്രേറ്റ് കോടതിയാണ് ജാമ്യം അനുവദിച്ചത്.
കേസില് അറസ്റ്റിലായ എ.ബി.വി.പി, രാഷ്ട്രീയ ഭക്ത സംഘട്ടന്, ഹിന്ദു ജാഗരണ് മഞ്ച് എന്നീ സംഘടന നേതാക്കള്ക്കാണ് ജാമ്യംനൽകിയിരിക്കുന്നത്. സംഭവത്തില് നടപടിയെടുക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ചതായിരുന്നു.
മാര്ച്ച് 19നാണ് ഡല്ഹിയില്നിന്ന് ഒഡിഷയിലേക്ക് പോകുകയായിരുന്ന കന്യാസ്ത്രീകളടക്കമുള്ള നാല് പേര്ക്കെതിരേ ട്രെയ്നിലുംഝാന്സി റെയില്വേ സ്റ്റേഷനില്ലും സംഘപരിവാര് ആക്രമണമുണ്ടാകുന്നത്.
ഒഡിഷയില് നിന്നുള്ള രണ്ട് കന്യാസ്ത്രീ വിദ്യാര്ഥികളെ വീട്ടിലാക്കുന്നതിന് വേണ്ടി മലയാളിയായ കന്യാസ്ത്രീയും മറ്റൊരു കന്യാസ്ത്രീയും കൂടി ഡല്ഹിയില് നിന്നും വരികയായിരുന്നു.
വിദ്യാര്ഥികള് സാധാരണ വസ്ത്രവും കന്യാസ്ത്രീകള് സഭാവസ്ത്രത്തിലുമായിരുന്നു. വിദ്യാര്ത്ഥിനികളെ കന്യാസ്ത്രീകള് മതംമാറ്റാന് ശ്രമിക്കുകയാനിന്നായിരുന്നു അക്രമികൾ പറഞ്ഞത്.
ജയ് ശ്രീരാം, ജയ് ഹനുമാന് എന്നീ മുദ്രാവാക്യം വിളികളും ഭീഷണികളുമായി കൂടുതല് പേരെത്തുകയായിരുന്നു. ഝാന്സി സ്റ്റേഷനിലെത്തിയപ്പോള് യു.പി പൊലിസെത്തി കന്യാസ്ത്രീകളോടും വിദ്യാര്ത്ഥികളോടും പുറത്തിറങ്ങാനും ആവശ്യപ്പെട്ടു.
അപ്പോഴേക്കും സ്റ്റേഷനില് നൂറ്റമ്പതോളം ബജ്റങ് ദള് പ്രവര്ത്തകരെത്തിയിരുന്നുവെന്ന് കന്യാസ്ത്രീകള് വ്യക്തമാക്കുന്നു. ഇവരെ അറസ്റ്റ് ചെയ്ത് മാറ്റാന് ശ്രമിക്കാതെ പൊലിസ് കന്യാസ്ത്രീ സംഘത്തെ സ്റ്റേഷനിലേക്ക് കൊണ്ടുപോക്കുകയായിരുന്നു.
വനിതാ പൊലിസില്ലാതെ വരാനാകില്ലെന്ന് അറിയിച്ചെങ്കിലും പൊലിസ് അനുവദിച്ചില്ലെന്നും ആധാര് കാര്ഡും മറ്റും രേഖകളും കാണിച്ചെങ്കിലും രാത്രി 11 മണിക്ക് ശേഷമായിരുന്നു സ്റ്റേഷനില് നിന്നും ബിഷപ്പ് ഹൗസിലേക്ക് വിട്ടയച്ചതെന്നും കന്യാസ്ത്രീകള് പറയുന്നു. ശനിയാഴ്ചയാണ് പിന്നീട് ഇവര് യാത്ര ആരംഭിച്ചത്.
https://www.facebook.com/Malayalivartha
