ശബരിമല സ്പെഷ്യല് തഹസില്ദാര് ശങ്കരദാസിനെ അറസ്റ്റ് ചെയ്തു
ശബരിമല സ്വര്ണ്ണപ്പാളി കേസില് പ്രതിയായ സ്പെഷ്യല് തഹസില്ദാര് ശങ്കരദാസിനെ പ്രത്യേക അന്വേഷണ സംഘം അറസ്റ്റ് ചെയ്തു. തിരുവനന്തപുരത്തെ സ്വകാര്യ ആശുപത്രിയില് ചികിത്സയില് കഴിയുന്ന ശങ്കരദാസിന്റെ അറസ്റ്റ് ആശുപത്രിയിലെത്തിയാണ് അന്വേഷണ സംഘം അറസ്റ്റ് രേഖപ്പെടുത്തിയത്. എസ് പി ശശിധരന് ആശുപത്രിയില് എത്തിയാണ് അറസ്റ്റ് രേഖപ്പെടുത്തിയത്.
കഴിഞ്ഞ കുറച്ചു ദിവസങ്ങളായി ശങ്കരദാസ് ഐ സി യുവില് ആയതിനാല്, അറസ്റ്റ് വിവരം കൊല്ലം കോടതിയെ അറിയിക്കുകയും തുടര്ന്ന് മജിസ്ട്രേറ്റ് നേരിട്ട് ആശുപത്രിയിലെത്തി തുടര്നടപടികള് പൂര്ത്തിയാക്കുകയുമായിരുന്നു.
നാളെ കൊല്ലം കോടതിയില് റിമാന്ഡ് റിപ്പോര്ട്ട് സമര്പ്പിക്കും. ഐ സി യുവില് നിന്ന് മുറിയിലേക്ക് ശങ്കരദാസിനെ മാറ്റിയെങ്കിലും ആശുപത്രിയില് തുടരും. ശബരിമലയുമായി ബന്ധപ്പെട്ട സ്വര്ണ്ണക്കവര്ച്ചാ കേസില് നിര്ണ്ണായകമായ ഒരു നീക്കമായാണ് ഈ അറസ്റ്റ് വിലയിരുത്തപ്പെടുന്നത്.
https://www.facebook.com/Malayalivartha
