കുറേക്കാലമായി നൂറുകൂട്ടം പ്രശ്നങ്ങളിലും കടത്തിലുമാണ് ഞാന്; കുറച്ചുകാലമേ ആയിട്ടുള്ളു പുതിയ വര്ക്കുകള് കിട്ടിത്തുടങ്ങിയിട്ട്; നടി അമ്പിളി ദേവിയും ആദിത്യനും വേര്പിരിയുന്നു? പൊട്ടിത്തെറിച്ച് ആദിത്യന്റെ മറുപടി
സോഷ്യല് മീഡിയയെ ഞെട്ടിച്ച പ്രചാരണമായിരുന്നു നടി അമ്പിളി ദേവിയും ആദിത്യനും വേര്പിരിയുന്നു എന്ന വാർത്ത. അമ്പിളി ദേവി പങ്കു വച്ച ഒരു വീഡിയോ ആയിരുന്നു എല്ലാ പ്രചാരണങ്ങൾക്കും തിരി കൊളുത്തിയത്.
മഴയെത്തും മുമ്പേ എന്ന ചിത്രത്തിലെ 'കഥയായിതിന്നും സൂര്യന് സ്വര്ണത്താമരയെ കൈവെടിഞ്ഞു. അറിയാതെ, ആരുമറിയാതെ ചിരിതൂകും താരകളറിയാതെ, അമ്പിളിയറിയാതെ, ഇളംതെന്നലറിയാതെ' എന്ന വരികള് ചേര്ത്തുകൊണ്ടുള്ള ഒരു വീഡിയോയ്ക്ക് ജീവിതം എന്ന അടിക്കുറിപ്പും നടി നല്കിയിരുന്നു. ഇതാണ് അമ്പിളിയും ആദിത്യനും പിരിയുന്നു എന്ന രീതിയിലുള്ള കിംവദന്തികള്ക്ക് തുടക്കം കുറിച്ചത്.
ഇപ്പോഴിതാ ഇതുമായി ബന്ധപ്പെട്ട് പ്രതികരണവുമായി രംഗത്തെത്തിയിരിക്കുകയാണ് ആദിത്യന്.അമ്ബിളി ഇപ്പോഴും തന്റെ ഭാര്യയാണെന്നും,ഇതിനൊന്നും മറുപടിയില്ലെന്നും അദ്ദേഹം പറയുന്നു. ഒരു മാദ്ധ്യമത്തിന് നല്കിയ അഭിമുഖത്തില് സംസാരിക്കുകയായിരുന്നു ആദിത്യന്.
"ഇതിനൊന്നും മറുപടിയില്ല. അമ്പിളി ഇപ്പോഴും എന്റെ ഭാര്യയാണ്. കൂടുതല് എന്തു പറയണം. ഞാന് ഇത്തരത്തില് പണ്ടുമുതലേ പഴി കേള്ക്കുന്ന വ്യക്തിയായതിനാല് വലിയ ഫീല് ഒന്നും ഇല്ല.
എനിക്ക് ഇതൊന്നും ശ്രദ്ധിക്കാനുള്ള സമയമില്ല.കുറേക്കാലമായി നൂറുകൂട്ടം പ്രശ്നങ്ങളിലും കടത്തിലുമാണ് ഞാന്. കുറച്ചുകാലമേ ആയിട്ടുള്ളു പുതിയ വര്ക്കുകള് കിട്ടിത്തുടങ്ങിയിട്ട്. ജോലിചെയ്തിട്ട് കടങ്ങള് വീട്ടണം, എന്തെങ്കിലും സേവ് ചെയ്യണമെന്നൊക്കെയാണ് ലക്ഷ്യം'- അദ്ദേഹം പറഞ്ഞു.
മലയാളികളുടെ പ്രിയ നടിയാണ് അമ്പിളീദേവി. നൃത്തം കൊണ്ടും അഭിനയം കൊണ്ടും മിനിസ്ക്രീൻ- ബിഗ് സ്ക്രീൻ പ്രേക്ഷകരെ വിസ്മയിപ്പിച്ച നടി ഇന്ന് അഭിനയത്തിൽ നിന്നും വിട്ടു നിൽക്കുകയാണ്. ജീവിതത്തിൽ വീണ്ടും അമ്മ ആയതിന് പിന്നാലെയാണ് അഭിനയത്തിൽ നിന്നും അമ്പിളി ഇടവേള എടുത്തത്.
അഭിനയത്തിൽ നിന്നും വിട്ടുനിൽക്കുകയാണെങ്കിലും സോഷ്യൽ മീഡിയയിൽ സജീവമാണ് നടി. മക്കളുടെയും കുടുംബത്തിന്റെയും വിശേഷങ്ങൾ പറഞ്ഞുകൊണ്ട് അമ്പിളി എത്താറുണ്ട്. രണ്ടു ദിവസം മുന്നേ ആയിരുന്നു മഴയെത്തും മുൻപേ സിനിമയിലെ ഗാനം അമ്പിളി പങ്ക് വച്ചത്.
സിനിമ സീരിയൽ താരങ്ങളായ അമ്പിളിയും ആദിത്യനും ജീവിതത്തിൽ ഒന്നിച്ചത് രണ്ടു വർഷം മുൻപ് ആയിരുന്നു. ഇരുവരുടെയും വിവാഹവും, കുഞ്ഞിന്റെ ജനനവും ഒക്കെ ആരാധകർ ഏറെ ആഘോഷമാക്കിയിരുന്നു. സോഷ്യൽ മീഡിയയിൽ സജീവമായ ഇരുവരും ജീവിതത്തിലെ ചെറിയ വിശേഷങ്ങൾ വരെ ആരാധകരുമായി പങ്ക് വയ്ക്കാറുണ്ട്.
https://www.facebook.com/Malayalivartha