സി.പി.എം രാജ്യസഭാ സീറ്റ് നിഷേധിച്ച ചെറിയാന്‍ ഫിലിപ്പിനെ കോണ്‍ഗ്രസിലേക്ക് മടക്കിവിളിച്ച്‌ നേതാക്കള്‍; മടങ്ങിവരാന്‍ ചെറിയാന്‍ ഫിലിപ്പ് താല്‍പര്യം പ്രകടിപ്പിച്ചാല്‍ ഗൗരവമായി ആലോചിക്കുമെന്ന് പ്രതിപക്ഷ നേതാവ് രമേശ് ചെന്നിത്തല
രാജ്യസഭാ സീറ്റ് നിഷേധിച്ചതോടെ സി.പി.എം നേതൃത്വവുമായി അകന്ന ചെറിയാന്‍ ഫിലിപ്പിനെ കോണ്‍ഗ്രസിലേക്ക് മടക്കിവിളിച്ച്‌ നേതാക്കള്‍. ചെറിയാന്‍ താല്‍പര്യം അറിയിച്ചാല്‍ സ്വീകരിക്കാന്‍ തയാറാണെന്ന് നേതാക്കള്‍ വ്യക്തമാക്കി.കോണ്‍ഗ്രസിലേക്ക് മടങ്ങിവരാന്‍ ചെറിയാന്‍ ഫിലിപ്പ് താല്‍പര്യം പ്രകടിപ്പിച്ചാല്‍ ഗൗരവമായി ആലോചിക്കുമെന്ന് പ്രതിപക്ഷ നേതാവ് രമേശ് ചെന്നിത്തല വാര്‍ത്തസമ്മേളനത്തില്‍ പറഞ്ഞു.
കോണ്‍ഗ്രസിലേക്ക് വരണമോ എന്ന് തീരുമാനിക്കേണ്ടത് അദ്ദേഹമാണ്. ചെറിയാനോട് സി.പി.എം സ്വീകരിച്ച സമീപനം വളരെ മോശമാണ്. കോണ്‍ഗ്രസ് വിട്ടുപോകുന്നവര്‍ ചെറിയാന്‍ ഫിലിപ്പിന്റെ അനുഭവം മനസ്സിലാക്കണമെന്നും ചെന്നിത്തല പറഞ്ഞു. ചെറിയാന്‍ ഫിലിപ്പ് കോണ്‍ഗ്രസിലേക്ക് തിരിച്ചുവരണമെന്ന പാര്‍ട്ടി മുഖപത്രം വീക്ഷണത്തിെന്‍റ മുഖപ്രസംഗത്തോട് പ്രതികരിക്കുകയായിരുന്നു അദ്ദേഹം.
ചെറിയാന്‍ കോണ്‍ഗ്രസിലേക്ക് മടങ്ങിവരണമെന്ന് കെ.പി.സി.സി പ്രസിഡന്‍റ് മുല്ലപ്പള്ളിയും പറഞ്ഞു. ഉപാധികളില്ലാതെ കോണ്‍ഗ്രസിലേക്ക് വരാമെന്നും അദ്ദേഹത്തെ സ്വാഗതം ചെയ്യുന്നെന്നും മുല്ലപ്പള്ളി പറഞ്ഞു. അപരാധങ്ങളേറ്റുപറഞ്ഞാല്‍ ചെറിയാനെ അര്‍ഹിക്കുന്ന പ്രാധാന്യത്തോടെ കോണ്‍ഗ്രസ് സ്വീകരിക്കുമെന്ന് വീക്ഷണം മുഖപ്രസംഗത്തില്‍ വ്യക്തമാക്കി. ചെറിയാെന്‍റ സി.പി.എമ്മിലെ സ്ഥാനം തുടലിലിട്ട കുരങ്ങനെപ്പോലെയാണ്. വിമതരെ സ്വീകരിക്കുന്നതില്‍ സി.പി.എമ്മി‍െന്‍റ ഇരട്ടത്താപ്പി‍െന്‍റ തെളിവാണ് ചെറിയാന്‍ ഫിലിപ്പ്. രാജ്യസഭാ സീറ്റ് വാഗ്ദാനം ചെയ്ത് രണ്ടു തവണ ചെറിയാനെ സി.പി.എം വഞ്ചിച്ചെന്നും മുഖപ്രസംഗം പറയുന്നു. 2001ലെ നിയമസഭ തെരഞ്ഞെടുപ്പില്‍ മത്സരിക്കാനാഗ്രഹിച്ച തിരുവനന്തപുരം വെസ്റ്റ് കിട്ടാത്തതിനെ തുടര്‍ന്നാണ് ചെറിയാന്‍ കോണ്‍ഗ്രസ് വിട്ട് സി.പി.എമ്മില്‍ എത്തിയത്.
https://www.facebook.com/Malayalivartha
