കൊവിഡ് വ്യാപനം രൂക്ഷമായ സാഹചര്യത്തില്‍ ഏപ്രില്‍ 30 വരെ നടത്താനിരുന്ന എല്ലാ പരീക്ഷകളും സര്‍വീസ് വെരിഫിക്കേഷനും പി.എസ്.സി മാറ്റിവച്ചു.

ജനുവരി 2021ലെ വിജ്ഞാപനപ്രകാരം തീരുമാനിച്ച മുഴുവന്‍ വകുപ്പുതല പരീക്ഷകളും മാറ്റിവച്ചിട്ടുണ്ട്. ഏപ്രില്‍, മേയ്, ജൂണ്‍ മാസങ്ങളില്‍ നടത്തേണ്ട അഭിമുഖങ്ങളും പ്രമാണ പരിശോധനയും മാറ്റിവച്ചതായും പി.എസ്.സി സെക്രട്ടറി അറിയിച്ചു. പുതുക്കിയ തീയതി പിന്നീട് അറിയിക്കും.

മേയ് അഞ്ച് മുതല്‍ നടക്കേണ്ട കെ.എ.എസിന്റെ അഭിമുഖവും പി.എസ്.സി മാറ്റിവച്ചു. ജൂണ്‍ ഒമ്പത് വരെയാണ് അഭിമുഖം നിശ്ചയിച്ചിരുന്നത്. ഈ മാസം 30വരെയുള്ള കൊവിഡിന്റെ തീവ്രത വിലയിരുത്തിയ ശേഷമായിരിക്കും

മേയ് മുതലുള്ള എഴുത്തു പരീക്ഷകള്‍ മാറ്റിവയ്ക്കണോ എന്ന് തീരുമാനിക്കുക.