കോവിഡ് ലക്ഷണങ്ങളുള്ള 85കാരിയെ മകളുടെ വീടിന് സമീപം പെരുവഴിയില്‍ ഇറക്കിവിട്ട് മകന്‍ കടന്നുകളഞ്ഞു. തൊടുപുഴക്കുസമീപം ഇടവെട്ടി പഞ്ചായത്തിലെ രണ്ടാം വാര്‍ഡായ തൊണ്ടിക്കുഴയിലാണ് മനഃസാക്ഷിയെ ഞെട്ടിച്ച ക്രൂരത അരങ്ങേറിയത്​.

വയോധികയെ പിന്നീട്​ ആരോഗ്യപ്രവര്‍ത്തകരും പൊലീസും മകളും ചേര്‍ന്ന് ആശുപത്രിയില്‍ എത്തിച്ചു. മകനെതിരെ ഇടവെട്ടി പ്രാഥമികാരോഗ്യകേന്ദ്രത്തിലെ ഹെല്‍ത്ത് ഇന്‍സ്പെക്ടര്‍ തൊടുപുഴ സി.ഐക്ക് പരാതി നല്‍കി.

മറ്റൊരു മകനൊപ്പമായിരുന്നു വയോധികയുടെ താമസം. മകന്​ കോവിഡ് ബാധിച്ചതിനെത്തുടര്‍ന്ന് ഏതാനും ദിവസം മുമ്ബ് വയോധികയെ മറ്റൊരു മക​െന്‍റ വീട്ടിലേക്ക് മാറ്റിയിരുന്നു. എന്നാല്‍, ഇയാളാക​െട്ട വ്യാഴാഴ്ച തൊണ്ടിക്കുഴയിലെ മകളുടെ വീട്ടിലേക്ക് കൊണ്ടുപോകാമെന്ന്​ പറഞ്ഞ്​ സമീപത്തെ റോഡില്‍ വയോധികയെ ഇറക്കിവിട്ട് സ്ഥലം വിടുകയായിരു​െന്നന്ന് ആരോഗ്യ വകുപ്പ് ഉദ്യോഗസ്ഥര്‍ പറയുന്നു.

അയല്‍വാസികള്‍ വിളിച്ചറിയിച്ചതിനെത്തുടര്‍ന്നാണ് ആശ പ്രവര്‍ത്തക നിജയും പഞ്ചായത്ത്​ അംഗം സുബൈദ അനസും ജനമൈത്രി പൊലീസ് ഉദ്യോഗസ്ഥന്‍ റിയാസും സ്ഥലത്തെത്തിയത്. വഴിയില്‍ വീണ് പരിക്കേറ്റെങ്കിലും ഇവര്‍ മകളുടെ വീടുവരെ നടന്നെത്തിയിരുന്നു. അപ്പോഴേക്കും നഗരത്തില്‍ പോയിരുന്ന മകളും തിരിച്ചെത്തി.

ഉടന്‍ വ​േയാധികയെ ജില്ല ആശുപത്രിയില്‍ കൊണ്ടുപോയി വൈദ്യസഹായം നല്‍കി. ഇവര്‍ക്ക് പനിയും ശ്വാസംമുട്ടലുമുണ്ട്. വയോധികയെ ഇപ്പോള്‍ ആദ്യം താമസിച്ചിരുന്ന വീട്ടില്‍തന്നെ ആക്കിയിട്ടുണ്ട്. അടുത്ത ദിവസം കോവിഡ് പരിശോധനക്ക്​ വിധേയയാക്കും.