സിദ്ധാര്ഥ് ഞാന് നിങ്ങള്ക്കൊപ്പമാണ്; ഒരിക്കലും പിന്മാറരുത്; ഞങ്ങളുടെ ഒരു പട തന്നെ നിങ്ങള്ക്കൊപ്പമുണ്ട്; തളരാതെ ഇരിക്കു; നടൻ സിദ്ധാർത്ഥിന് പിന്തുണയുമായി നടി പാർവതി തിരുവോത്ത്
നടൻ സിദ്ധാർത്ഥിന് പിന്തുണയുമായി നടി പാർവതി തിരുവോത്ത്. ബി ജെ പി ഐടി സെലിന്റെ നേതൃത്വത്തില് വ്യാപക ഭീഷണിയാണ് തമിഴ് നടന് സിദ്ധാര്ഥും കുടുംബവും നേരിടുന്നത്. എടുത്ത നിലപാടില് നിന്നും ഒരിക്കലും പിന്മാറരുതെന്നായിരുന്നു നടി പറഞ്ഞത്.
ഞങ്ങളുടെ ഒരു പട തന്നെ സിദ്ധാര്ഥിന് പിന്തുണയുമായി ഉണ്ടെന്നും പാര്വതി ട്വീറ്റിലൂടെ അറിയിക്കുകയുണ്ടായി . പാർവതിയുടെ ട്വീറ്റിന്റെ സാരാംശം ഇങ്ങനെ 'സിദ്ധാര്ഥ് ഞാന് നിങ്ങള്ക്കൊപ്പമാണ്. ഒരിക്കലും പിന്മാറരുത്. ഞങ്ങളുടെ ഒരു പട തന്നെ നിങ്ങള്ക്കൊപ്പമുണ്ട്.തളരാതെ ഇരിക്കു. നിങ്ങള്ക്കും കുടുംബത്തിനും എല്ലാവിധ സ്നേഹവും നേരുന്നു.'
ഫോണ് നമ്പര് ബിജെപി അംഗങ്ങള് ലീക് ചെയ്തെന്ന സിദ്ധാര്ഥിന്റെ ട്വീറ്റിനൊപ്പമായിരുന്നു പാര്വതി ട്വീറ്റ് പങ്കുവച്ചത് . ബിജെപിയെ വിമര്ശിക്കുന്നതിന്റെ പേരില് തന്റെ ഫോണ് നമ്പര് തമിഴ്നാട് പാര്ട്ടി പ്രവര്ത്തകര് ലീക് ചെയ്തെന്ന് കഴിഞ്ഞ ദിവസം സിദ്ധാര്ഥ് വെളിപ്പെടുത്തിയിരുന്നു .
ഇതുവരെ 500-ലധികം ഫോണ് കോളുകളാണ് വന്നത്. എല്ലാം വധഭീഷണിയും ബലാംത്സംഗ ഭീഷണിയും അസഭ്യവര്ഷവുമായിരുന്നുവെന്നാണ് സിദ്ധാര്ഥ് ട്വീറ്റിലൂടെ പറഞ്ഞിരിക്കുന്നത്. 'എന്റെ ഫോണ് നമ്പര് തമിഴ്നാട് ബി ജെ പി അംഗങ്ങള് ലീക് ചെയ്തു.
500 അധികം ഫോണ്കോളുകളാണ് എനിക്ക് ഇതുവരെ വന്നത്. എല്ലാവരും എനിക്കും കുടുംബത്തിനും എതിരെ വധഭീഷണി, റേപ് ഭീഷണി, തെറി വിളി എല്ലാം നടത്തി. എല്ലാ നമ്ബറും റെകോഡ് ചെയ്തിട്ടുണ്ട്. എല്ലാം ബിജെപി ലിങ്കും, ഡിപിയും ഉള്ളതാണ്. അതെല്ലാം പൊലീസിന് കൈമാറുകയാണ്.
ഞാന് ഒരിക്കലും മിണ്ടാതിരിക്കില്ല. ശ്രമിച്ചുകൊണ്ടേ ഇരിക്കും' എന്നായിരുന്നു സിദ്ധാര്ഥിന്റെ ട്വീറ്റ്.കോവിഡ് പശ്ചാത്തലത്തില് കേന്ദ്ര സര്കാരിനെതിരെ രൂക്ഷ വിമര്ശനങ്ങളാണ് സിദ്ധാര്ഥ് ഉന്നയിച്ചത്. നേരത്തേയും മോദി സര്കാരിനെതിരെ അദ്ദേഹം ശബ്ദമുയർത്തിയിരുന്നു .
https://www.facebook.com/Malayalivartha
