സംസ്ഥാനത്ത് നാളെ മുതല് ലോക്ക്ഡൗണ്.... സമ്പൂര്ണ അടച്ചിടല് 8 മുതല് 16 വരെ... അവശ്യ സേവനങ്ങള് ഒഴികെയുള്ള സര്ക്കാര് ഓഫീസുകള്ക്ക് അവധി, ആരാധനാലയങ്ങളില് ഭക്തര്ക്ക് പ്രവേശനമില്ല, പുറത്തിറങ്ങുമ്പോള് സത്യവാങ്മൂലം കരുതണം, നിര്ദ്ദേശങ്ങളിങ്ങനെ.....
സംസ്ഥാനത്ത് നാളെ മുതല് ലോക്കഡൗണ്.... സമ്പൂര്ണ അടച്ചിടല് 8 മുതല് 16 വരെ... അവശ്യ സേവനങ്ങള് ഒഴികെയുള്ള സര്ക്കാര് ഓഫീസുകള്ക്ക് അവധി, ആരാധനാലയങ്ങളില് ഭക്തര്ക്ക് പ്രവേശനമില്ല, പുറത്തിറങ്ങുമ്പോള് സത്യവാങ്മൂലം കരുതണം, നിര്ദ്ദേശങ്ങളിങ്ങനെ.....
കോവിഡ് വ്യാപനം അതിരൂക്ഷമായതിനാല് കേരളത്തില് ഒരാഴ്ചത്തേക്ക് സമ്പൂര്ണ ലോക്ഡൗണ് പ്രഖ്യാപിച്ചു. ശനിയാഴ്ച രാവിലെ ആറുമുതല് 16-ന് രാത്രി 12 വരെ കര്ശന നിയന്ത്രണങ്ങളോടെ അടച്ചിടല് നടപ്പാക്കും. അടിയന്തരസേവനങ്ങള്ക്കും ചരക്കുനീക്കത്തിനും മാത്രമേ അന്തസ്സംസ്ഥാന റോഡ് യാത്ര അനുവദിക്കൂ. സ്വകാര്യവാഹനങ്ങള് നിരത്തിലിറക്കരുത്.
കേന്ദ്ര-സംസ്ഥാന സര്ക്കാര് ഓഫീസുകള് തുറക്കില്ല. ആരാധനാലയങ്ങളില് ജനങ്ങളെ പ്രവേശിപ്പിക്കില്ല. എല്ലാവിധ കൂട്ടുചേരലുകളും നിരോധിച്ചു.
സ്വകാര്യസ്ഥാപനങ്ങളും അവശ്യവിഭാഗത്തിലല്ലാത്ത വ്യാപാരസ്ഥാപനങ്ങളും നിയന്ത്രണങ്ങളില് ഇളവില്ലാത്ത വ്യവസായസ്ഥാപനങ്ങളും അടഞ്ഞുകിടക്കും.
വിദ്യാഭ്യാസസ്ഥാപനങ്ങള് തുറക്കില്ല. അവശ്യസാധനങ്ങള് വില്ക്കുന്ന കടകള് രാത്രി ഏഴരവരെ തുറക്കും. മെട്രോ ഒഴികെയുള്ള തീവണ്ടിസര്വീസുകളും വിമാനസര്വീസുകളും ഉണ്ടാവും. ചരക്കുഗതാഗതത്തിന് തടസ്സമുണ്ടാവില്ല. ആരോഗ്യപ്രവര്ത്തകരെ തടയില്ല
മാധ്യമപ്രവര്ത്തകരെ തടയില്ല. കോവിഡ് രോഗനിയന്ത്രണവുമായി ബന്ധപ്പെട്ട ജോലിയില് ഏര്പ്പെട്ട വിവിധ കേന്ദ്ര-സംസ്ഥാന സര്ക്കാര് ഉദ്യോഗസ്ഥരെയും സന്നദ്ധ പ്രവര്ത്തകരെയും തടയില്ല. അന്തസ്സംസ്ഥാന യാത്ര നടത്തുന്നവര് കോവിഡ് പോര്ട്ടലില് രജിസ്റ്റര് ചെയ്യണം.
ശവസംസ്കാരച്ചടങ്ങില് 20 പേര്ക്കുമാത്രമേ പങ്കെടുക്കാവൂ. നേരത്തേ നിശ്ചയിച്ച വിവാഹങ്ങള് നടത്താം. 30 പേര്ക്കുമാത്രം പങ്കെടുക്കാം. പോലീസ് സ്റ്റേഷനില് നേരത്തേ അറിയിച്ചിരിക്കണം. ശവസംസ്കാരത്തിന്റെയും വിവാഹത്തിന്റെയും വിവരങ്ങള് കോവിഡ് പോര്ട്ടലില് രജിസ്റ്റര്ചെയ്യുകയും വേണം.
വാക്സിന് എടുക്കാന്പോകുന്നവര് രജിസ്ട്രേഷന് വിവരങ്ങള് കാണിക്കണം. ലോക്ഡൗണ് നിയന്ത്രണങ്ങള് ലംഘിക്കുന്നവരെ ദുരന്തനിവാരണനിയമവും പകര്ച്ചവ്യാധി നിയന്ത്രണനിയമവും പ്രകാരം ശിക്ഷിക്കും
https://www.facebook.com/Malayalivartha
