സംസ്ഥാനത്ത് ശനിയാഴ്ച മുതല് ലോക്ക്ഡൗണ് പ്രഖ്യാപിച്ച സാഹചര്യത്തില് ഗുരുവായൂര് ക്ഷേത്രത്തില് വിവാഹചടങ്ങുകള് നടത്തില്ല എന്ന് ദേവസ്വം അധികൃതര്
സംസ്ഥാനത്ത് ശനിയാഴ്ച മുതല് ലോക്ക്ഡൗണ് പ്രഖ്യാപിച്ച സാഹചര്യത്തില് ഗുരുവായൂര് ക്ഷേത്രത്തില് വിവാഹചടങ്ങുകള് നടത്തില്ല എന്ന് ദേവസ്വം അധികൃതര് അറിയിച്ചു വെള്ളിയാഴ്ച ബുക്ക് ചെയ്ത വിവാഹങ്ങള് മാത്രം നടത്തും.
ലോക്ക്ഡൗണ് നിയന്ത്രണങ്ങളുടെ ഭാഗമായി ഭക്തര്ക്ക് ദര്ശനത്തിനും അനുവാദമില്ല. കോവിഡ് രണ്ടാം ഘട്ട വ്യാപനത്തിന്റെ പശ്ചാത്തലത്തില് ക്ഷേത്രത്തില് നേരത്തെ തന്നെ നിയന്ത്രണങ്ങള് ഏര്പ്പെടുത്തിയിരുന്നു.
അതേസമയം മെട്രോ ഒഴികെയുള്ള തീവണ്ടിസര്വീസുകളും വിമാനസര്വീസുകളും ഉണ്ടാവും. ചരക്കുഗതാഗതത്തിന് തടസ്സമുണ്ടാവില്ല. ആരോഗ്യപ്രവര്ത്തകരെ തടയില്ല. മാധ്യമപ്രവര്ത്തകരെ തടയില്ല. കോവിഡ് രോഗനിയന്ത്രണവുമായി ബന്ധപ്പെട്ട ജോലിയില് ഏര്പ്പെട്ട വിവിധ കേന്ദ്ര-സംസ്ഥാന സര്ക്കാര് ഉദ്യോഗസ്ഥരെയും സന്നദ്ധ പ്രവര്ത്തകരെയും തടയില്ല.
അന്തസ്സംസ്ഥാന യാത്ര നടത്തുന്നവര് കോവിഡ് പോര്ട്ടലില് രജിസ്റ്റര് ചെയ്യണം.ശവസംസ്കാരച്ചടങ്ങില് 20 പേര്ക്കുമാത്രമേ പങ്കെടുക്കാവൂ.നേരത്തേ നിശ്ചയിച്ച വിവാഹങ്ങള് നടത്താം. 30 പേര്ക്കുമാത്രം പങ്കെടുക്കാം.
പോലീസ് സ്റ്റേഷനില് നേരത്തേ അറിയിച്ചിരിക്കണം. ശവസംസ്കാരത്തിന്റെയും വിവാഹത്തിന്റെയും വിവരങ്ങള് കോവിഡ് പോര്ട്ടലില് രജിസ്റ്റര്ചെയ്യുകയും വേണം. വാക്സിന് എടുക്കാന്പോകുന്നവര് രജിസ്ട്രേഷന് വിവരങ്ങള് കാണിക്കണം.
ലോക്ഡൗണ് നിയന്ത്രണങ്ങള് ലംഘിക്കുന്നവരെ ദുരന്തനിവാരണനിയമവും പകര്ച്ചവ്യാധി നിയന്ത്രണനിയമവും പ്രകാരം ശിക്ഷിക്കും.
https://www.facebook.com/Malayalivartha
