ചേര്‍ത്തലയില്‍ കെ.എസ്.ഇ.ബി. കരാര്‍ വാഹനത്തില്‍ നിന്ന് തെറിച്ചുവീണ ഏണി നെഞ്ചില്‍ തറച്ച് ഗൃഹനാഥന് ദാരുണാന്ത്യം. തണ്ണീര്‍മുക്കം ആറാം വാര്‍ഡില്‍ കട്ടച്ചിറ കണ്ണാട്ടുകരി കുഞ്ഞുമോന്‍ (46) ആണ് മരിച്ചത്.

ഇന്നലെ രാവിലെ ചേര്‍ത്തല-തണ്ണീര്‍മുക്കം റോഡില്‍ കുണ്ട് വളവിന് സമീപമായിരുന്നു അപകടം നടന്നത്. വാഹനത്തിന്റെ പിന്നില്‍ തൂക്കിയിരുന്ന ഏണി കെട്ടഴിഞ്ഞ് പുല്ല് ചെത്തി മടങ്ങുകയായിരുന്ന കുഞ്ഞുമോന്റെ നെഞ്ചില്‍ തുളച്ച് കയറുകയായിരുന്നെന്ന് പോലീസ് പറഞ്ഞു.

ഗുരുതര പരുക്കേറ്റ കുഞ്ഞുമോനെ ചേര്‍ത്തല ഗവ. താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. വാഹനത്തിന്റെ ഡ്രൈവര്‍ക്കെതിരേ കേസെടുത്തു.

കുഞ്ഞുമോന്‍ എല്‍.ഐ.സി. ഏജന്റാണ്. ഭാര്യ ബീന. മകള്‍: വര്‍ഷ.