സംസ്ഥാനത്ത് എല്ലാ ജില്ലകളിലും അടുത്ത 3 മണിക്കൂറില്‍ 40 കി.മി. വരെ വേഗതയില്‍ വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.

തിരുവനന്തപുരം, കൊല്ലം, കോട്ടയം, എറണാകുളം, ഇടുക്കി ജില്ലകളില്‍ ഇന്ന് യെല്ലോ അലര്‍ട്ട് പ്രഖ്യാപിച്ചു. കേരള തീരത്ത് ഇന്ന് അര്‍ധരാത്രി മുതല്‍ മത്സ്യബന്ധനം നിരോധിക്കുന്നുവെന്നും ദുരന്ത നിവാരണ അതോറിറ്റി വ്യക്തമാക്കി.

ഇനിയൊരു അറിയിപ്പ് ലഭിക്കാതെ ആരും കടലില്‍ പോകരുതെന്നും മുഖ്യമന്ത്രി അറിയിച്ചു. ഇപ്പോള്‍ ആഴക്കടലില്‍ മത്സ്യബന്ധനം നടത്തുന്നവര്‍ സുരക്ഷിത തീരത്തേക്ക് മാറാണമെന്നും നിര്‍ദ്ദേശിച്ചു.

ന്യൂനമര്‍ദം ചുഴലിക്കാറ്റായി മാറാന്‍ സാധ്യതയുള്ളതിനാല്‍ ആണ് കടലില്‍ പോകാന്‍ വിലക്ക്. യെല്ലോ അലര്‍ട്ട് ഇന്ന് മുതല്‍ വെള്ളിയാഴ്ച്ച വരെ വിവിധ ജില്ലകളില്‍ പ്രഖ്യാപിച്ചിരിക്കുകയാണ്.