ലോക്ക് ഡൗണ് ആറു മുതല് എട്ടാഴ്ച വരെ നീട്ടണമെന്ന് കേന്ദ്ര സര്ക്കാരിന് ഐ.സി.എം.ആറിന്റെ നിര്ദ്ദേശം
കേരളത്തില് ഉള്പ്പെടെ കൊവിഡ് പോസിറ്റിവിറ്റി പത്തു ശതമാനത്തില് കൂടുതലുള്ള, രാജ്യത്തെ 533 ജില്ലകളില് ലോക്ക് ഡൗണ് ആറു മുതല് എട്ടാഴ്ച വരെ നീട്ടണമെന്ന് കേന്ദ്ര സര്ക്കാരിന് ഐ.സി.എം.ആര് (ഇന്ത്യന് കൗണ്സില് ഒഫ് മെഡിക്കല് റിസര്ച്ച്) നിര്ദ്ദേശം.
പോസിറ്റിവിറ്റി അഞ്ചു ശതമാനമായി കുറയാതെ ഈ ജില്ലകള് തുറക്കരുതെന്നും കൗണ്സില് ഡയറക്ടര് ബല്റാം ഭാര്ഗവ മുന്നറിയിപ്പ് നല്കുന്നു. കേരളത്തിലെ 14 ജില്ലകളിലും പോസിറ്റിവിറ്റി 10 ശതമാനത്തിനു മുകളിലാണ്.
സംസ്ഥാനത്ത് നിലവില് ഈ മാസം 16 വരെയാണ് ലോക്ക് ഡൗണ്. പോസിറ്റിവിറ്റി ദേശീയ ശരാശരി 21 ശതമാനമാണ്.രാജ്യത്താകെയുള്ളത് 718 ജില്ലകളാണ്. ഇതില് 533 ജില്ലകള് അടച്ചിട്ടാല് ദേശീയ ലോക്ക് ഡൗണിനു സമാനമാകും.
സാമ്പത്തിക ആഘാതം ചൂണ്ടിക്കാട്ടി ദേശീയ ലോക്ക് ഡൗണ് വേണ്ടെന്ന് കേന്ദ്രം ഉറച്ചുനില്ക്കുമ്പോഴാണ് ഭൂരിഭാഗം മേഖലകളിലും അടച്ചിടല് തുടരണമെന്ന ഐ.സി.എം.ആര് നിര്ദ്ദേശം.
https://www.facebook.com/Malayalivartha
