കൊവിഷീല്‍ഡ് വാക്സിന്‍ സ്വീകരിക്കുന്നതിന്റെ ഇടവേള കൂട്ടണമെന്ന് ശുപാര്‍ശ. കേന്ദ്രസര്‍ക്കാര്‍ നിയോഗിച്ച സമിതിയുടേതാണ് ശുപാര്‍ശ. 12 മുതല്‍ 16 ആഴ്ചവരെ വാക്സിന്‍ സ്വീകരിക്കുന്നതിന്റെ ഇടവേള നീട്ടണമെന്നാണ് ആവശ്യം.

കൊവിഡ് ബാധിച്ചവര്‍ക്ക് വാക്സിന്‍ ഡോസ് എടുക്കുന്നത് ആറ് മാസത്തിന് ശേഷം മതിയെന്നും ശുപാര്‍ശയിലുണ്ട്. ഗര്‍ഭിണികള്‍ വാക്സിന്‍ സ്വീകരിക്കണമോയെന്ന കാര്യത്തില്‍ തീരുമാനം അവര്‍ക്ക് തന്നെ വിട്ടുനല്‍കണം.

മുലയൂട്ടുന്ന അമ്മമാര്‍ക്ക് വാക്സിന്‍ സ്വീകരിക്കാന്‍ തടസമില്ലെന്നും സമിതി ശുപാര്‍ശ ചെയ്യുന്നു.നിലവില്‍ കൊവിഷീല്‍ഡ് വാക്സിന്‍ സ്വീകരിക്കുന്നതിനുള്ള ഇടവേള നാല് മുതല്‍ എട്ടാഴ്ച വരെയാണ്.

 എന്നാല്‍ കൊവാക്സിന്‍ സ്വീകരിക്കുന്നതിന്റെ ഇടവേള മാറ്റണമെന്ന ആവശ്യം സമിതിയുടെ ശുപാര്‍ശയിലില്ല. 
കൊവാക്സിന്റ കാര്യത്തിലും ഇതേ ഇടവേളയാണ് നിലവില്‍ പാലിക്കുന്നത്.