അനര്ഹമായ റേഷന് കാര്ഡുകള് തിരികെ ഏല്പ്പിക്കണം; ആധാർ കാർഡ് റേഷൻ കാർഡുമായി ബന്ധിപ്പിക്കാത്തവർ എത്രയും വേഗം ബന്ധിപ്പിക്കണം, മുന്നറിയിപ്പുമായി സിറ്റി റേഷനിംഗ് ഓഫീസര്
എറണാകുളം സിറ്റി റേഷനിംഗ് ഓഫീസിന്റെ പരിധിയില് അനർഹമായി കൈവശം വെച്ചിരിക്കുന്ന ഏഏവൈ, മുൻഗണന വിഭാഗത്തിലെ റേഷൻ കാർഡുകൾ തിരികെ ഏല്പ്പിക്കണം. സംസ്ഥാന/കേന്ദ്ര സർക്കാർ ജീവനക്കാർ, അദ്ധ്യാപകര്, പൊതുമേഖല, സഹകരണ സ്ഥാനങ്ങളിലെ സ്ഥിരം ജീവനക്കാർ, സർവീസ് പെൻഷൻ കാർ,ആദായ നികുതി നല്കുന്നവർ കാര്ഡില് ഉൾപെട്ടിട്ടുണ്ടെങ്കിൽ,
പ്രവാസികളടക്കം റേഷൻ കാർഡിൽ ഉൾപ്പെട്ടിട്ടുള്ള എല്ലാ അംഗങ്ങൾക്കും കൂടി പ്രതിമാസ വരുമാനം 25000 രൂപയോ അതിൽ അധികമോ ഉണ്ടെങ്കില്, ഒരു ഏക്കറിലധികം ഭൂമി സ്വന്തമായി ഉള്ളവര്, 1000 ചതുരശ്ര അടിക്കു മുകളിലുള്ള വീടോ, ഫ്ളാറ്റോ സ്വന്തമായി ഉള്ളവർ, എക ഉപജീവന മാർഗമായ ടാക്സി ഒഴികെ സ്വന്തമായി നാല് ച്രക വാഹനമുള്ള റേഷന് കാര്ഡുടമകള് എന്നിവര് അനർഹമായി കൈവശം വച്ചിട്ടുള്ള റേഷന് കാര്ഡുകള് ജൂണ് 15 നകം സിറ്റി റേഷനിംഗ്ആഫീസർ മുൻപാകെ ഹാജരാക്കി പൊതുവിഭാഗത്തിലേയ്ക്ക് മാറ്റണം.
ഇത്തരം കാർഡുകൾ അനർഹമായി ആരെങ്കിലും കൈവശം വെച്ചിരിക്കുന്നതായി ശ്രദ്ധയിൽപെട്ടാൽ പൊതുജനങ്ങൾക്കും അറിയിപ്പ് നല്കാം. ആധാർ കാർഡ് റേഷൻ കാർഡുമായി ബന്ധിപ്പിക്കാത്തവർ എത്രയും വേഗം ബന്ധിപ്പിക്കണം എന്നും സിറ്റി റേഷനിംഗ് ഓഫീസര് അറിയിച്ചു. കൂടുതല് വിവരങ്ങള്ക്ക് : 0484 23908059
https://www.facebook.com/Malayalivartha