സംസ്ഥാനത്ത് കഴിഞ്ഞ ദിവസങ്ങളിലുണ്ടായ അതിശക്തമായ മഴയിലും പ്രളയത്തിലും പത്തനംതിട്ട, ആലപ്പുഴ, കോട്ടയം ജില്ലകളിൽ ദുരിതമനുഭവിക്കുന്ന കുടുംബങ്ങൾക്ക് ആവശ്യമായ ഭക്ഷ്യസഹായം ഉറപ്പാക്കുന്നതിനായി അടിയന്തര ഇടപെടലുകളുമായി കൃഷിവകുപ്പ്. കൃഷി വകുപ്പ് മന്ത്രി അഡ്വ. ടി. സിദ്ദിഖിന്റെ നിർദേശപ്രകാരം ഹോർട്ടികോർപ്പ് മുഖേനയാണ് ദുരിതാശ്വാസ ക്യാമ്പുകളിലേക്ക് പച്ചക്കറികൾ വിതരണം ചെയ്തത്.

ഇതു വരെ പത്തനംതിട്ട, ആലപ്പുഴ, കോട്ടയം ജില്ലകളിലെ ആകെ 76 ദുരിതാശ്വാസ ക്യാമ്പുകളിലേക്ക് ₹1,90,808 രൂപയുടെ പച്ചക്കറികളാണ് എത്തിച്ചത്. ഓഗസ്റ്റ് 2-ന് പത്തനംതിട്ടയിലെയും ആലപ്പുഴയിലെയും 31 ദുരിതാശ്വാസ ക്യാമ്പുകളിലേക്ക് ₹1,25,134 രൂപയുടെയും ഓഗസ്റ്റ് 3-ന് പത്തനംതിട്ട, ആലപ്പുഴ, കോട്ടയം ജില്ലകളിലെ 45 ദുരിതാശ്വാസ ക്യാമ്പുകളിലേക്ക് ₹65,674 രൂപയുടെയും പച്ചക്കറികൾ വിതരണം ചെയ്തു.

ദുരിതാശ്വാസ ക്യാമ്പുകളിലുള്ളവർക്ക് പോഷകസമൃദ്ധമായ ഭക്ഷ്യവസ്തുക്കളുടെ ലഭ്യത ഉറപ്പാക്കുന്നതിനും ദുരിതബാധിതർക്കൊപ്പം സർക്കാർ സംവിധാനങ്ങൾ ശക്തമായി നിലകൊള്ളുന്നതിന്റെയും ഭാഗമായാണ് ഹോർട്ടികോർപ്പ് മുഖേന ആവശ്യമായ പച്ചക്കറികൾ വിതരണം നടത്തിയത്. ക്യാമ്പുകളിലെ ആവശ്യങ്ങൾക്കനുസരിച്ച് തുടർന്നും പച്ചക്കറികളും മറ്റ് അവശ്യ കാർഷിക ഉൽപ്പന്നങ്ങളും ലഭ്യമാക്കുന്നതിനുള്ള നടപടികൾ സ്വീകരിക്കുമെന്ന് കൃഷിവകുപ്പ് മന്ത്രി അറിയിച്ചു.