വേറിട്ട നന്ദി പ്രകടനവുമായി സന്ദീപ് ജി വാര്യര്; കിട്ടിയ വോട്ടുകളുടെ അത്രയും എണ്ണം മരങ്ങള് നാളെ വച്ചു പിടിപ്പിക്കും
നിയമസഭാ തിരഞ്ഞെടുപ്പില് ഷൊര്ണൂരില് പരാജയപ്പെട്ടെങ്കിലും തന്നെ പിന്തുണച്ച വോട്ടര്മാരെയും മണ്ഡലത്തെയും മറക്കാതെ ബി.ജെ.പി സ്ഥാനാര്ത്ഥി സന്ദീപ് ജി. വാര്യര്. പരിസ്ഥിതി ദിനമായ ജൂണ് അഞ്ചിന് തനിക്ക് ഷൊര്ണൂര് നല്കിയ വോട്ടുകളുടെ അത്രയും എണ്ണം മരങ്ങള് മണ്ഡലത്തില് വച്ചു പിടിപ്പിക്കുമെന്ന് അദ്ദേഹം ഫേസ്ബുക്കിലൂടെ അറിയിച്ചു. തിരഞ്ഞെടുപ്പില് 36,973 വോട്ടുകളായിരുന്നു സന്ദീപിന് ലഭിച്ചത്.
സന്ദീപ് ജി. വാര്യരുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം ഇങ്ങനെ, എന്റെ ഷൊര്ണൂരിന്റെ ഹരിതാഭ വീണ്ടെടുക്കാന് എളിയ ശ്രമം. ഷൊര്ണൂര് നല്കിയ വോട്ടുകളുടെ അത്രയും എണ്ണം മരങ്ങള് വച്ചു പിടിപ്പിക്കുക മാത്രമല്ല ജനപങ്കാളിത്തത്തോടെ സംരക്ഷിക്കുന്ന പദ്ധതിക്ക് ലോക പരിസ്ഥിതി ദിനമായ നാളെ തുടക്കമാവും. ഉദ്ഘാടനം രാവിലെ 10ന് ചെര്പ്പുളശ്ശേരിയില് നിര്വ്വഹിക്കും. ഷൊര്ണൂര് മണ്ഡലത്തിലെ സാംസ്കാരിക സാമൂഹിക വ്യക്തിത്വങ്ങള് പങ്കാളികളാവും.
https://www.facebook.com/Malayalivartha
