മനസ്സാക്ഷിയെ നടുക്കിയ പത്തനംതിട്ട മലയാലപ്പുഴ പോക്സോ കേസിന്റെ ഞെട്ടിക്കുന്ന വിവരങ്ങളാണ് ഇപ്പോൾ പുറത്തുവരുന്നത്. പത്താം ക്ലാസ് വിദ്യാർത്ഥിനിയെ സ്വന്തം പിതാവടക്കം ഏഴുപേർ ചേർന്ന് കഴിഞ്ഞ മൂന്ന് വർഷമായി ലൈംഗികമായി ചൂഷണം ചെയ്തുവെന്നാണ് പരാതി.

ഏഴാം ക്ലാസ് മുതല്‍ പെണ്‍ക്കുട്ടിക്ക് നേരെ പീഡനം നടത്തിയെന്നാണ് വിവരം. പിതാവ് അടക്കം ഏഴു പേര്‍ പീഡിപ്പിച്ചെന്നാണ് പരാതി. സ്‌കൂളിലെ സഹപാഠികളോടാണ് വിദ്യാര്‍ത്ഥിനി പീഡനവിവരം ആദ്യം പറഞ്ഞത്. തുടര്‍ന്ന് ചെല്‍ഡ് ലൈന്‍ മുഖേന മലയാലപ്പുഴ പൊലീസില്‍ വിവരം അറിയിച്ചു. പൊലീസ് നടത്തിയ അന്വേഷണത്തിലാണ് നാട്ടുകാരായ 2 പ്രതികള്‍ പിടിയിലായത്. പിതാവ് അടക്കം രണ്ടു പ്രതികള്‍ വിദേശത്താണ്.