'ഹഹഹ, അണ്ണനും അണ്ണിയും എന് ഉയിര് ഡാ' ; സോഷ്യല്മീഡിയ ഉപദേശകര്ക്ക് മറുപടി നല്കി ധ്യാന്
നടി തൃഷയെ ആക്ഷേപിച്ചെന്ന പരാതിയില് ഉദയനിധി സ്റ്റാലിനെ അറസ്റ്റ് ചെയ്തതിനുപിന്നാലെ കരുതിയിരിക്കാന് നടന് ധ്യാന് ശ്രീനിവാസനെ ഉപദേശിച്ച് സോഷ്യല് മീഡിയയിലെ ഒരു വിഭാഗം. കൂടുതലും ട്രോള് രൂപത്തിലുള്ള പോസ്റ്റുകളും കമന്റുകളുമാണ് സോഷ്യല് മീഡിയയില് നിറയുന്നത്. ആഴ്ചകള്ക്ക് മുന്പ് വിജയ്യുടെ സത്യപ്രതിജ്ഞാ ചടങ്ങിനെ പരോക്ഷമായി കളിയാക്കി ധ്യാന് ശ്രീനിവാസന് നടത്തിയ പ്രസംഗമാണ് ഇതിനുകാരണം. എന്നാല് 'ഹഹഹ, അണ്ണനും അണ്ണിയും എന് ഉയിര് ഡാ' എന്നാണ് ഈ വീഡിയോയ്ക്ക് താഴെ ധ്യാന് കുറിച്ചത്. മറ്റ് കമന്റുകള്ക്കിടയില് കൂടുതല് ശ്രദ്ധിക്കപ്പെട്ടതും ഇതുതന്നെ. ഇതിലൂടെ ധ്യാന് സേഫ് സോണിലായെന്നാണ് മറ്റ് ചിലര് മറുപടിയായി കുറിച്ചത്.
അടുത്തത് ധ്യാനാണെന്നും ഒരു കുപ്പായം തുന്നി വയ്ക്കെന്നുമെല്ലാം ട്രോളന്മാര് പറയുന്നുണ്ട്. അണ്ണന് തമ്പിയെന്ന ചിത്രത്തില് താനൊന്നും ചെയ്തിട്ടില്ലെന്ന് ഊമയായ മമ്മൂട്ടിയുടെ ക്യാരക്ടര് ആംഗ്യം കാണിക്കുന്ന ഭാഗം കോമഡി സീന് എഡിറ്റ് ചെയ്ത് ചേര്ത്താണ് ട്രോളന്മാര് രംഗത്തിറങ്ങുന്നത്.എന്നാല്, കേരളത്തില് വന്ന് ധ്യാനിനെ പൊക്കാന് കുറച്ച് വിയര്ക്കുമെന്നും ഉടുക്കുകൊട്ടി പേടിപ്പിക്കണ്ടെന്നുമൊക്കെ പറഞ്ഞ് ധ്യാനിന് കട്ടസപ്പോര്ട്ട് നല്കാനും ഒരു വിഭാഗം രംഗത്തുണ്ട്.
പുതിയ ചിത്രമായ വിസിറ്ററിന്റെ പ്രൊമോഷന് ചടങ്ങിനിടെയാണ് ധ്യാന് ശ്രീനിവാസന് വൈറല് പ്രസംഗം നടത്തിയത്. ധ്യാനിന്റെ പ്രസംഗം കേട്ട് വേദിയിലുണ്ടായിരുന്നവരും സോഷ്യല് മീഡിയ പ്രേക്ഷകരും പൊട്ടിച്ചിരിച്ചെങ്കിലും തമിഴ്നാട്ടിലെ വിജയ് ആരാധകര്ക്കിടയില് പ്രതിഷേധമാണ് നടനെതിരെ ഉണ്ടായത്.
https://www.facebook.com/Malayalivartha
