ബിരുദ പ്രവേശനത്തിന് ഇനി മുതല് പ്ലസ് ടു നിര്ബന്ധമല്ല
സംസ്ഥാനത്തെ വിവിധ സര്വ്വകലാശാലകളിലും അഫിലിയേറ്റഡ് കോളേജുകളിലും ബിരുദ പ്രവേശനത്തിന് ഇനി മുതല് പ്ലസ് ടു നിര്ബന്ധമല്ല. ഡിപ്ലോമ, ഐടിഐ യോഗ്യതയുള്ളവര്ക്ക് ബിരുദ പ്രോഗ്രാമുകളിലേക്ക് പ്രവേശനം നേടാന് സാധിക്കും. പുതിയ തീരുമാനം പ്രാബല്യത്തില് വരുന്നതോടെ ഐടിഐ പാസായവര്ക്ക് കോളേജുകളില് ഏത് കോഴ്സിനും പ്രവേശനം നേടാമെന്ന നിലയാകും.
പത്താം ക്ലാസിന് ശേഷം ഐടിഐ പാസായവര്ക്ക് ബിരുദ കോഴ്സുകളുടെ ഒന്നാം വര്ഷത്തിലേക്ക് നേരിട്ട് പ്രവേശനം നേടാം. പത്താം ക്ലാസിന് ശേഷം മൂന്ന് വര്ഷത്തെ പോളിടെക്നിക് ഡിപ്ലോമ പൂര്ത്തിയാക്കിയവര്ക്കും 12ാം ക്ലാസിന് ശേഷം രണ്ട് വര്ഷത്തെ ഡിപ്ലോമ നേടിയവര്ക്കും ബിരുദ കോഴ്സിന്റെ മൂന്നാം സെമസ്റ്ററിലേക്ക് ലാറ്ററല് എന്ട്രി വഴി നേരിട്ട് പ്രവേശനം നേടാന് കഴിയും. ഇതുമായി ബന്ധപ്പെട്ട യോഗ്യതകള് വ്യക്തമാക്കി ഉന്നത വിദ്യാഭ്യാസ വകുപ്പ് ഉത്തരവിറക്കി.
2027-28 അദ്ധ്യയന വര്ഷം മുതല് പ്രവേശനത്തിന് ഈ രീതി നിലവില്വരും. ഉന്നത വിദ്യാഭ്യാസ വകുപ്പിന്റെ ശുപാര്ശ പ്രകാരമാണ് തീരുമാനം. സംസ്ഥാനത്തെ എല്ലാ സര്വ്വകലാശാലകള്ക്കും പോളിടെക്നിക്കുകള്ക്കും ഉത്തരവ് ഔദ്യോഗികമായി കൈമാറാന് സാങ്കേതിക വിദ്യാഭ്യാസ ഡയറക്ടര് നിര്ദ്ദേശം നല്കിയിട്ടുണ്ട്.
https://www.facebook.com/Malayalivartha
